web counter
LEXO PA REKLAMA!

SHKARKO APP

App Store
Google Play

E fundit!

x

Në kërkim ndërkombëtar për kultivim narkotikësh në Spanjë/ Arrestohet 39-vjeçari

25 Korrik 2025, 10:14, Kronika CNA

Në kërkim ndërkombëtar për kultivim narkotikësh

Në vijim të operacionit “The Wanted” një 39-vjeçar është arrestuar për llogari të autoriteteve spanjolle.

Në pranga ka rënë E. B., 39 vjeç, të cilit Gjykata e Sabadell në Spanjë i ka caktuar masën e sigurisë “Arrest në burg”, i akuzuar për kultivim narkotikësh dhe vjedhje të energjisë elektrike.

 

Njoftimi i policisë

Gjirokastër/Vijon operacioni policor ndërkombëtar, i koduar “The Wanted”.

Akuzohet në Spanjë, se ka kultivuar bimë narkotike, me llamba, në ambient të mbyllur, kapet me qëllim ekstradimin, 39-vjeçari.

Si rezultat i punës operacionale të shërbimeve të Komisariatit të Policisë Gjirokastër, të kryer në bazë të informacioneve të siguruara në rrugë operative, mbi vendndodhjen e një shtetasi të shpallur në kërkim ndërkombëtar, për llogari të Spanjës, u finalizua një tjetër fazë e operacionit “The Ëanted”.

Gjatë saj, u lokalizua dhe u arrestua me qëllim ekstradimin në Spanjë, shtetasi E. B., 39 vjeç.

Gjykata e Sabadell, Spanjë, në muajin qershor 2025, i ka caktuar masën e sigurisë "Arrest në burg", për kultivim të bimëve narkotike dhe për vjedhje të energjisë elektrike, vepra për të cilat në Kodin Penal të Spanjës, maksimumi i dënimit është 6 vjet burgim. 

Interpol Tirana vijon bashkëpunimin me homologët e Interpol Madridit, për të finalizuar procedurën për ekstradimin e këtij shtetasi, në Spanjë./ CNA





Lajmet e fundit nga