Lokali në Bilisht përdorej për organizimin e lojërave të fatit/ Arrestohen administratori dhe menaxheri

3 Dhjetor 2025, 14:42, Kronika CNA

Lokali në Bilisht përdorej për organizimin e lojërave

Një lokal që përdorej për organizimin e lojërave të fatit është zbuluar në qytetin e Bilishtit në Korçë. Sipas informacioneve të policisë, në pranga është vënë administratori i lokalit dhe menaxheri, të cilët ishin punësuar në mënyrë të paligjshme.

Ndërkohë janë proceduar penalisht edhe dy shtetas që u kapën duke luajtur lojëra fati në ambientet e lokalit.

Në lokal u gjetën dhe sekuestruan pajisje elektronike që shërbenin për këtë veprimtari dhe disa bileta, të cilat u sekuestruan në cilësinë e provës materiale.

Njoftimi i policisë:

Devoll

Zbulohet një lokal në qytetin e Bilishtit, i vënë në dispozicion të organizimit të kundërligjshëm të lojërave të fatit.

Vihen në pranga administratori i lokalit dhe menaxheri, i cili ishte punësuar në mënyrë të paligjshme.

Procedohen penalisht 2 shtetas që u kapën duke luajtur lojëra fati, në ambientet e lokalit.

Sekuestrohen pajisjet që shërbenin për lojëra fati dhe bileta sportive.

Si rezultat i kontrollit të kryer në bazë të informacioneve të siguruara në rrugë operative, shërbimet e Komisariatit të Policisë Devoll kanë zbuluar një lokal në qytetin e Bilishtit, ku organizoheshin lojëra fati. Në vijim të veprimeve procedurale për këtë rast, u arrestuan në flagrancë shtetasit:

-P. M., 45 vjeç, banues në Bilisht, administratori i lokalit, për veprat penale “Organizimi ose ushtrimi i veprimtarive të lojrave të fatit në kundërshtim me ligjin”, “Vënia në dispozicion e lokaleve për lojëra fati”, “Fshehja e të ardhurave” dhe “Punësimi i paligjsjëm”;

-E. M., 26 vjeç, banues në Bilisht, menaxheri i lokalit, për veprat penale “Organizimi ose ushtrimi i veprimtarive të lojrave të fatit në kundërshtim me ligjin”, “Vënia në dispozicion e lokaleve për lojëra fati” dhe “Fshehja e të ardhurave”.

Gjithashtu, u referuan materialet në Prokurori ku nisi procedimi penal për shtetasit E. U., 25 vjeç, dhe F. M., 23 vjeç, banues në Bilisht, të cilët u kapën në lokal, duke luajtur lojëra fati.

Nga hetimet rezultoi se 45-vjeçari kishte marrë me qira lokalin dhe kishte punësuar në mënyrë të paligjshme, si menaxher, shtetasin E. M. Në lokalin e përshtatur për veprimtarinë e paligjshme të lojërave të fatit, u gjetën pajisje elektronike që shërbenin për këtë veprimtari dhe disa bileta, të cilat u sekuestruan në cilësinë e provës materiale.

Materialet procedurale iu referuan Prokurorisë së Korçës, për veprime të mëtejshme. /CNA