web counter
LEXO PA REKLAMA!

SHKARKO APP

App Store
Google Play

E fundit!

x

Kontrolle në aksin Kardhiq-Delvinë/ Pezullohen 20 patenta

9 Korrik 2022, 16:45, Kronika CNA
Kontrolle në aksin Kardhiq-Delvinë/ Pezullohen 20 patenta
Foto nga kontrollet

Njësia Operacionale e Policisë Rrugore, në bashkëpunim me Policinë Rrugore të Gjirokastrës dhe Delvinës, ka kryer monitorime me makinat inteligjente, radarët automatikë dhe dronët “edukues” në aksin e ri Kardhiq-Delvinë.

Përgjatë 48 orëve të fundit, janë pezulluar 20 leje drejtimi për shpejtësi mbi 30 km/h mbi normën e lejuar, pasi shpejtësia e lejuar në këtë aks është pjesërisht 80 km/h dhe në pjesë të tjera 60 km/h.

Gjithashtu janë marrë 95 masa administrative për qarkullim me shpejtësi, por pa sanksionin e pezullimit të lejes së drejtimit; 67 masa administrative, për parakalime të gabuara; 54 masa, për përdorim të celularit gjatë drejtimit të automjetit dhe 50 masa, për mospërdorim të rripit të sigurimit.

Policia Rrugore apelon për të gjithë përdoruesit e rrugës që të zbatojnë me rigorozitet  rregullat e qarkullimit rrugor, pasi të gjitha akset rrugore, nga Morina në Sarandë, monitorohen me makinat inteligjente, radarët automatikë dhe dronët “edukues”.

“Drejtues mjetesh: Rregullat e qarkullimit rrugor janë manuali për një jetë të sigurtë, zbatimi i tyre është detyrimi ligjor dhe moral që kemi ndaj njëri-tjetrit, në hapësirën që ndajmë bashkë.

Policia Rrugore nuk ka për qëllim shtimin numrit të masave administrative, por ka për qëllim parandalimin e aksidenteve rrugore. Në destinacion arrin i sigurtë në rast se zbaton rregullat e qarkullmit. Monitorimi vijon në të gjitha rrugët e vendit”, thuhet ndër të tjera në njoftimin e policisë./ B.A. – CNA.al

 





Lajmet e fundit nga