web counter
LEXO PA REKLAMA!

SHKARKO APP

App Store
Google Play

E fundit!

x

Kërkonin deri në 1700 euro për një varr në Tufinë/ Gjykata jep vendimin për drejtorin dhe katër të arrestuarit e tjerë

8 Korrik 2022, 18:09, Kronika CNA
Kërkonin deri në 1700 euro për një varr në Tufinë/
Foto ilustruese

Gjykata e shkallës së parë në Tiranë la në burg drejtorin e Varrezave në Bashkinë Tiranë, Eljodor Ndini, dhe katër të arrestuar të tjerë lidhur me skandalin e shitjes së varreve në Tufinë.

Vendimi u mor sot nga gjyqtarja Shefkie Demiraj Mataj, ndërsa prokuror i çështjes është Bledar Valikaj.

-Eljodor Ndini "arrest në burg"

-Gazmend Daja "arrest në burg"

-Bujar Lica "arrest në burg"

-Alban Ajazi "arrest në burg"

-Latif Shehu "arrest në burg"

Gjykata gjithashtu vendosi lirimin e tre prej të arrestuarve.

-Endrin Milla "arrest në shtëpi"

-Fatjon Gjonaj "arrest në shtëpi"

-Xhemal Mena "detyrim paraqitje"

Skema korruptive është zbuluar nga Prokuroria e Tiranës dhe Drejtoria e Krimit Ekonomik në Policinë e Shtetit, të cilët kanë ndaluar 10 persona ndërsa dy te tjerë janë shpallur në kërkim.

Sipas prokurorisë të arrestuarit në bashkëpunim me njëri-tjetrin duke shfrytëzuar edhe mungesën e tokës për varre në varrezat e Tufinës dhe të Sharrës, kundrejt shpërblimit në shuma monetare që variojnë nga 30.000 deri 50.000 lekë të rinj, bënin të mundur pronotimin e varreve për shtetas të ndryshëm.

Por nga përgjimet ka dale në dritë dhe një tjetër skandal.

Ata ushtronin ndikim të paligjshëm te funksionarë të ndryshëm shtetërorë duke mundësuar nxjerrjen e lejeve të ndërtimit dhe rindërtimit nga tërmeti pranë Bashkisë Tiranë kundrejt pagesës 200.000 leke të rinj ose 1700 euro, nxjerrjen e certifikatave të pronësisë pranë ASHK-së, përfitimin e certifikatave të vaksinimit COVID-19 sikur personat përfitues ishin vaksinuar kundrejt pagesës në vlerën 30.000 lekë te rinj, gjithashtu po kundrejt pagesave ata mundësonin nxjerrje kredie të butë pranë bashkisë Tiranë.

 





Lajmet e fundit nga