web counter
LEXO PA REKLAMA!

SHKARKO APP

App Store
Google Play

Kapet në Portin e Durrësit shtetasi turk/ Sekuestrohet një shumë e majme parash

12 Dhjetor 2022, 10:12, Kronika CNA
Kapet në Portin e Durrësit shtetasi turk/ Sekuestrohet një
Foto ilustruese

Policia ka vënë në pranga një shtetas turk, 42-vjeçar. Ky shtetas ka tentuar të hyjë në Portin e Durrësit me dokumente false.

Gjithashtu gjatë arrestimit janë sekuestruar edhe një shumë parash, rreth 12 mijë euro, të cilat ishin të padeklaruara.

Shtetasit turk iu gjet edhe sasi kanabisi.

“Shërbimet e Policisë Kufitare në Port Durrës, në vijim të kontrolleve të shtuara, me qëllim evidentimin dhe goditjen e paligjshmërive, kanë ndaluar për kontroll më të detajuar një 41-vjeçar, pasi kishin dyshime se kishte paraqitur pasaportë të falsifikuar.

Gjatë kontrollit fizik dhe kontrollit në bagazhet e këtij shtetasi, shërbimet e Policisë kanë gjetur një sasi lënde të dyshuar narkotike cannabis sativa, rreth 12 000 euro të padeklaruara dhe pasaportën origjinale të 41-vjeçarit me shtetësi turke, me gjeneralitete A. T.

Nga verifikimet e mëtejshme, ka rezultuar se pasaporta spanjolle që kishte paraqitur ky shtetas, gjatë kryerjes së proceduare në PKK Port Durrës, ishte e falsifikuar.

Në përfundim të veprimeve, nga specialistët për Hetimin e Krimeve Ekonomiko-Financiare të DVP Durrës, u arrestua në flagrancë shtetasi A. T., 41 vjeç, banues në Barcelonë, Spanjë, për veprat penale 'Mosdeklarimi në kufi i të hollave dhe i sendeve me vlerë', 'Falsifikimi i letërnjoftimeve, i pasaportave ose i vizave', 'Trafikimi i narkotikëve' dhe 'Pastrimi i produkteve të veprës penale ose veprimtarisë kriminale'”, thuhet në njoftim./ CNA.al





Lajmet e fundit nga