web counter
LEXO PA REKLAMA!

SHKARKO APP

App Store
Google Play

I dënuar në Itali me 12 vite burg për drogë/ Kapet "i shumëkërkuari” Valentin Lleshi

10 Dhjetor 2022, 10:54, Kronika CNA
I dënuar në Itali me 12 vite burg për drogë/ Kapet "i
Foto ilustruese

Valentin Lleshi është arrestuar në Laç, me qëllim ekstradimi në Itali.

Lleshi ishte i dënuar më parë në Itali, me 12 vite burg, për drogë, si pjesë e një grupi të strukturuar kriminal.

35-vjeçarit i kanë mbetur edhe 10 vite burg për të kryer.

"Shërbimet e DVP Lezhë, ato të Policisë së Kurbinit dhe të Interpol Tiranës, të mbështetur nga inteligjenca informative mbi vendndodhjen e një shtetasi të kërkuar ndërkombëtarisht, si dhe në vijim të punës për nxjerrjen përpara përgjegjësisë penale të shtetasve të shpallur në kërkim, organizuan dhe finalizuan operacionin policor të koduar “Torino”, si rezultat i të cilit u kap në Laç dhe u vu në pranga, me qëllim ekstradimin, shtetasi:

– Valentin Lleshi, 35 vjeç, banues në Kurbin, pasi Gjykata e Apelit e Torinos, Itali, e ka dënuar me 12 vite burgim, për veprën penale “Trafikimi i lëndëve narkotike”, në formën e organizatës kriminale, parashikuar nga Kodi Penal italian. 35-vjeçarit i kanë mbetur për të vuajtur edhe 10 vjet burgim.

Interpol Tirana, në bashkëpunim me Interpol Roma dhe agjencitë ligjzbatuese, vijon procedurat për ekstradimin e 35-vjeçarit drejt Italisë.

Materialet procedurale iu referuan Prokurorisë pranë Gjykatës së Rrethit Gjyqësor Kurbin, për veprime të mëtejshme", thuhet në njoftim. / CNA.al





Lajmet e fundit nga