web counter
LEXO PA REKLAMA!

SHKARKO APP

App Store
Google Play

Kanosi 20-vjeçarin me armë zjarri/ Arrestohet 26-vjeçari në Shkodër, sekuestrohet automatiku

4 Dhjetor 2025, 16:29, Kronika CNA

Kanosi 20-vjeçarin me armë zjarri/ Arrestohet 26-vjeçari

Një shtetas 26-vjeçar është kapur dhe vënë në pranga këtë të enjte në Shkodër, pasi kanosi një shtetas duke qëlluar në ajër me armë zjarri.

Sipas burimeve policore, ngjarja ndodhi gjatë një konflikti për motive të dobëta.

Shtetasi A. Sh., 26 vjeç kanosi shtetasin Xh. G., 20-vjeç, duke qëlluar me armë zjarri, automatiknë ajër.

Gjatë operacionit policor në lagjen “Tre Heronjtë” u krye edhe sekuestrimi i armës së zjarrit, të llojit automatik.

Njoftimi:

Specialistët për Hetimin e Krimeve të Komisariatit të Policisë Shkodër, në bashkëpunim me shërbimet e Patrullës së Përgjithshme, të mbështetura nga Forca e Posaçme “Shqiponja”, menjëherë pas marrjes së njoftimit se në lagjen “Tre Heronjtë”, një shtetas kishte kanosur me armë zjarri një shtetas tjetër, kanë organizuar punën për identifikimin e autorit dhe zbardhjen e rrethanave të rastit.

Falë reagimit në kohë të shërbimeve të Policisë, u bë e mundur identifikimi, kapja dhe arrestimi i autorit të dyshuar, shtetasit A. Sh., 26-vjeç.

Nga veprimet e para procedurale, dyshohet se pas një konflikti për motive të dobëta, shtetasi A. Sh. ka kanosur shtetasin Xh. G., 20-vjeç, duke qëlluar me armë zjarri, automatik, në ajër.

Shërbimet e Policisë kanë bërë të mundur dhe gjetjen e armës së zjarrit me të cilën dyshohet se 26-vjeçari qëlloi në ajër gjatë konfliktit.

Vijon puna për dokumentimin e plotë ligjor të rastit.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./CNA





Lajmet e fundit nga