web counter
LEXO PA REKLAMA!

SHKARKO APP

App Store
Google Play

E fundit!

x

I vodhën 409 mijë euro subjektit ku punonin/ Arrestohet 37-vjeçari, në kërkim financierja

23 Korrik 2025, 11:10, Kronika CNA

I vodhën 409 mijë euro subjektit ku punonin/ Arrestohet

Policia ka finalizuar operacionin ”Doublefront” në kuadër të të cilit ka rënë në pranga një 37-vjeçar dhe është shpallur në kërkim A. S., 30 vjeçe.

Të dy këta persona akuzohen për shpërdorim detyre, pasi dyshohet se kanë vjedhur në subjektin ku ishin të punësuar 409 000 mijë euro.

Shuma monetare është vjedhur nga dy personat nëpërmjet mashtrimit me faturat e shpërndarjes për një periudhë 1-vjeçare.

 

Njoftimi i policisë

Finalizohet pas 6 muajsh hetime me metoda proaktive, operacioni policor i koduar “Doublefront”.

Vodhën 409 000 euro nga subjekti ku ishin të punësuar, duke shpërdoruar detyrat, arrestohet 37 –vjeçari (shpërndarës i porosive), shpallet në kërkim financierja.       

Seksioni për Hetimin e Pastrimit të Parave dhe Aseteve Kriminale, si rezultat i hetimeve të kryera me metoda proaktive, për 6 muaj, në drejtimin e Prokurorisë, finalizoi operacionin policor të koduar “Doublefront”.

Në kuadër të këtij operacioni u ekzekutua masa e sigurisë “Arrest në burg”, e caktuar nga Gjykata e Tiranës, për shtetasin E. Sh., 37 vjeç, si dhe u shpall në kërkim shtetasja A. S., 30 vjeçe.   

Nga hetimet dyshohet se shtetasi E. Sh. dhe shtetasja A. S. (me detyra respektive shpërndarës i porosive dhe financiere në një subjekt që shiste tekstile me metrazhe), në bashkëpunim me njëri-tjetrin, gjatë periudhës 2023-2024, kanë vjedhur nga ky subjekt, nëpërmjet mashtrimit me faturat e shpërndarjeve, rreth 409 000 euro.     

Punohet për kapjen e shtetases A. S. 

Materialet procedurale iu referuan Prokurorisë së Tiranës, për veprime të mëtejshme./ CNA





Lajmet e fundit nga