web counter
LEXO PA REKLAMA!

SHKARKO APP

App Store
Google Play

E fundit!

x

Skandal me kokainën në Mykonos/ Ndër të arrestuarit, edhe kreu i policisë dhe partnerja e tij shqiptare

21 Korrik 2025, 15:32, Kronika CNA

Skandal me kokainën në Mykonos/ Ndër të arrestuarit, edhe

Autoritetet greke kanë arrestuar tetë persona mes të cilëve katër shtetas shqiptarë, përfshirë katër oficerë policie, si pjesë e një hetimi për korrupsion në një rrjet të dyshuar për trafik droge.

Bashkëpunëtorë civilë të grupit ishin 43-vjeçari i kërkuar, një shqiptar 24-vjeçar dhe motra e tij 29-vjeçare, partnerja e kreut të grupit, si dhe dy persona të tjerë nga Shqipëria.

Në të njëjtën dosje akuzohen edhe 13 persona të tjerë, përfshirë një shef policie, i cili shërben në Departamentin e Policisë Pydna-Kolindros, por gjatë periudhës së hetimit ai shërbente në Nëndrejtorin e Policisë së Mykonosit.

Autoritetet thanë se grupi përdorte aplikacione komunikimi të koduara dhe llogari bankare të palëve të treta për të fshehur aktivitetet e tyre dhe për të pastruar të ardhurat. Të dhënat financiare treguan se më shumë se 3.8 milionë euro ishin depozituar në llogaritë e kreut të grupit gjatë pesë viteve të fundit, me një shtesë prej 1 milion eurosh të gjurmuar te partneri i tij, gjithashtu një anëtar i grupit.

Midis emrave të hetuar, janë tre individë me precedentë të rëndë kriminalë, emrat e të cilëve u përfshinë edhe në dosjen e madhe që heton vrasjet e katër anëtarëve të mafies greke të cigareve të udhëhequr nga i shumëkërkuari “Entik”, i cili fshihet në Dubai.

Gjatë bastisjeve të koordinuara në Athinë dhe Mykonos, policia sekuestroi 4.3 kilogramë kokainë të dyshuar, rreth 21,000 euro në para të gatshme, 14 telefona celularë dhe prova të tjera.

Trembëdhjetë individë të tjerë, përfshirë një oficer tjetër policie, janë nën hetim për vepra të lidhura me to, të tilla si ryshfeti dhe shkelja e sekretit zyrtar. Të dyshuarit do të paraqiten para një prokurori publik./CNA





Lajmet e fundit nga