web counter
LEXO PA REKLAMA!

SHKARKO APP

App Store
Google Play

Atentati me armë në Memaliaj/ Policia, njoftim zyrtar

29 Mars 2024, 10:09, Kronika CNA

Atentati me armë në Memaliaj/ Policia, njoftim zyrtar

Policia ka dalë me një njoftim zyrtar në lidhje me atentatin me armë zjarri në Memaliaj. Sipas policisë, mbrëmjen e djeshme në fshatin Qesarat, ishte qëlluar me armë zjarri në ajër. 

41-vjeçari me iniciale F. L. ka qëlluar me armë zjarri në ajër me qëllim kanosjen e shtetasve A. Z., 54 vjeç, dhe E. Z., 34 vjeç, të afërm të njëri-tjetrit, të dy banues në fshatin Anë Vjosë.

Më pas, ai e ka fshehur armën e zjarrit në një zonë të pyllëzuar, në fshatin Qesarat. Autori është vënë në pranga, si dhe është sekuestruar arma e zjarrit. 

Njoftimi i Policisë: 

Mbrëmjen e djeshme, qëlloi me armë zjarri në ajër, për të kanosur 2 shtetas, kapet menjëherë pas ngjarjes dhe vihet në pranga 41-vjeçari.

Gjendet arma e zjarrit (pushkë), të cilën 41-vjeçari e fshehu në një zonë të pyllëzuar, dhe sekuestrohet bashkë me municion luftarak.

Menjëherë pas njoftimit të marrë më datë 28.03.2024, rreth orës 19:30, se në fshatin Qesarat, ishte qëlluar me armë zjarri, në ajër, specialistët e Seksionit për Hetimin e Krimeve të Stacionit të Policisë Memaliaj organizuan punën dhe shkuan në vendngjarje, me qëllim zbardhjen e rrethanave të rastit dhe arrestimin e autorit/ëve.

Si rezultat i veprimeve të shpejta operacionale, shërbimet e Policisë kapën dhe vunë në pranga autorin e dyshuar të këtij rasti, shtetasin F. L., 41 vjeç, banues në Memaliaj.

Nga hetimet e deritanishme dyshohet se ky shtetas, për motive të dobëta, ka qëlluar me armë zjarri (pushkë), në ajër, me qëllim kanosjen e shtetasve A. Z., 54 vjeç dhe E. Z., 34 vjeç, të afërm të njëri-tjetrit, të dy banues më fshatin Anë Vjosë. Më pas, ai ka fshehur armën e zjarrit, në një zonë të pyllëzuar, në fshatin Qesarat.

Arma e zjarrit u gjet nga shërbimet e Policisë dhe u sekuestrua në cilësinë e provës materiale, së bashku me disa fishekë.

Materialet procedurale i kaluan Prokurorisë, për veprime të mëtejshme./CNA 





Lajmet e fundit nga