web counter
LEXO PA REKLAMA!

SHKARKO APP

App Store
Google Play

E fundit!

x

Trafikanti që bashkëpunonte me efektivin, pjesë e mashtrimit me Call Center-at

26 Mars 2024, 16:33, Kronika CNA
Trafikanti që bashkëpunonte me efektivin, pjesë e mashtrimit me
Foto ilustruese

Mbrëmjen e 21 marsit, policia arrestoi 3 persona të cilët trafikonin drogë në Tiranë. Ata tentuan të largohen, ndërsa policia hapi zjarr drejt tyre dhe plagosi një prej trafikantëve në këmbë.

Nga hetimet rezultoi se me të arrestuarit kishte pasur komunikim efektivi i Operacionales në Tiranë me iniciale E. SH.

Ky i fundit kishte telefonuar trafikantët që kishin rreth 1 kilogramë kokainë me vete në makinë dhe palën blerëse që do të kontrolloheshin nga policia. 

Agjencia e Mbikëqyrjes Policore ka vijuar hetimet për këtë ngjarje dhe ka zbuluar se njëri nga trafikantët kishte një Call Center, që kryente mashtrime me bursën FOREX.

Nga kontrollet janë gjetur dhe sekuestruar dokumenta, pajisje të ndryshme dhe disa njësi kompjuterike, në të cilat ishin të instaluara programe/aplikacione dhe lista emrash me numra italianë.

Operatorët e Call Center-it mashtronin italianët për investime në bursë, nëpërmjet të cilave arrinin të përfitonin vlera monetare të konsiderueshme, që varionin nga 500 deri në 30.000 euro.

Njoftimi i policisë:

Agjencia e Mbikëqyrjes Policore ka vijuar hetimet e thelluara mbi personat e përfshirë në ngjarjen e datës 21.03.2024, ku u ndalua një punonjës policie dhe u arrestuan në flagrancë 3 shtetas të tjerë dhe pas këqyrjes së detajuar të komunikimeve telefonike mes tyre dhe personave të tjerë, deklarimeve të disa personave që tregojnë rrethana të hetimit, si dhe këqyrjes së pamjeve filmike të administruara, është bërë e mundur gjetja dhe kontrolli i një ambienti të përshtatur si Call Center, në pronësi të shtetasve M.H. (i shpallur në kërkim) dhe SH. O., i ndodhur në rrugën “Idriz Guri” Tiranë, në të cilin ushtrohej aktiviteti i paligjshëm i mashtrimit me bursën FOREX.

Gjatë kontrollit të ushtruar në këtë ambjent, janë sekuestruar në cilësinë e provës materiale, dokumenta, pajisje të ndryshme dhe disa njësi kompjuterike, në të cilat ishin të instaluara programe/aplikacione dhe lista emrash me numra italianë, të cilët kontaktoheshin nga disa operatorë, duke i mashtruar për investime në bursë, nëpërmjet të cilave arrinin të përfitonin vlera monetare të konsiderueshme, që variojnë nga 500 deri në 30.000 euro.

Mbi bazën e materialeve hetimore të administruara deri në këtë fazë i është relatuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, caktimi i masës së sigurimit personal me karakter shtrëngues, në mungesë, për shtetasit M. H., 33 vjeç, i dyshuar për veprën penale “Mashtrim kompjuterik” i kryer në bashkëpunim, si dhe regjistrimin e të njëjtës vepër për personin nën hetim SH. O., i arrestuar më parë si i dyshuar për veprën penale “Prodhim dhe shitje narkotikësh”.

Hetimet vijojnë për identifikimin e plotë të të gjithë personave të perfshirë në këtë veprimtari dhe dokumentimin me prova ligjore të veprave penale, ku dyshohet se ata janë të përfshirë./ CNA





Lajmet e fundit nga