web counter
LEXO PA REKLAMA!

SHKARKO APP

App Store
Google Play

E fundit!

x

Policia jep detaje/ Si u plagos efektivi në Shkodër

25 Mars 2024, 17:15, Kronika CNA

Policia jep detaje/ Si u plagos efektivi në Shkodër

Policia ka nxjerrë detaje nga plagosja me mjete të forta të efektivit në Shkodër.

Siç u raportua edhe më parë, efektivi 49-vjeçar me iniciale A.O. është qëlluar me mjete të forta në kokë, në afërsi të banesës së tij, në zonën e Zdrales.

Punonjësi i policisë, teksa ka qenë jashtë shërbimit, është konfliktuar për motive të dobëta me 47-vjeçarin O. G.

Blutë deklarojnë se gjatë konfliktit, efektivi ka shkrepur armën e shërbimit në mënyrë të pavullnetshme, por pa shkaktuar dëmtime.

Ky i fundit është jashtë rrezikut për jetën, ndërsa po punohet për kapjen e 47-vjeçarit, i cili është larguar menjëherë nga vendngjarja.

“Rreth orës 15:45, dyshohet se gjatë një konflikti të çastit, për motive të dobëta, shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, banues në Shkodër (punonjës policie, jashtë shërbimit), i cili po merr mjekim në spitalin rajonal të Shkodrës dhe është jashtë rrezikut për jetën. 

Gjatë konfliktit dyshohet se arma e shërbimit e punonjësit të Policisë është shkrepur në mënyrë të pavullnetshme, por pa shkaktuar dëmtime.    

Shërbimet e Policisë, me marrjen e njoftimit, shkuan menjëherë në vendin e ngjarjes dhe vijojnë krehjen e zonës, për kapjen e 47-vjeçarit.

Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes. 

Ndërkohë, në lidhje me këtë ngjarje, po kryen veprime edhe AMP, për të zbardhur rrethanat e përdorimit ose jo të armës së zjarrit, si dhe për të përcaktuar nëse shkrepja e armës ka qenë e pavullnetshme”, thuhet në njoftimin e policisë./ CNA





Lajmet e fundit nga