web counter
LEXO PA REKLAMA!

SHKARKO APP

App Store
Google Play

Atentati me armë në Lezhë/ Dëshmitari: Kërciti automatiku si në ’97, fëmijët u tmerruan

6 Mars 2024, 10:54, Kronika CNA
Atentati me armë në Lezhë/ Dëshmitari: Kërciti
Dëshmitari

Për atentatin me armë zjarri që ndodhi para shkollës 9-vjeçare në Rrilë të Lezhës, ku mbeti i plagosur personi me inicale A.P., janë tmerruar nxënësit, mësuesit dhe prindërit. Policia është ende në kërkim të autorit të ngjarjes. 

Një nga dëshmitarët tha për mediat se të shtënat e automatikut u dëgjuan si në trazirat e ’97. 

"Normal që janë frikësuar fëmijët. Ishte automatiku si me qenë në ’97 këtu. Ky djali që e kanë plagosur është njeri i rregullt, familjar. Si ndihen fëmijët? Të tmerruar. I morëm nga shkolla. Jo këtu nuk kanë ndodhur, Rrila është vend i qetë. Unë jam le e rritur me të" - tha dëshmitari nga vendngjarja. 

Njoftimi i policisë: 

Rreth orës 08:00, në fshatin Rrilë, shtetasi A. P., 54 vjeç, banues në fshatin Rrilë, duke lëvizur me automjet, është plagosur me armë zjarri nga 1 person ende i paidentifikuar. 54-vjeçari është transportuar në spitalin rajonal të Lezhës, ku është në kujdesin e mjekëve (aktualisht jashtë rrezikut për jetën).

Shërbimet e Policisë, me marrjen e njoftimin, kanë shkuar menjëherë ne vendngjarje, është rrethuar zona dhe janë ngritur pika kontrolli.

Njëkohësisht, në ndihmë të Policisë vendore, janë nisur Forcat Kombëtare të Sigurisë të Njësisë Shkodër. Grupi hetimor, në drejtimin e Prokurorisë, vijon punën për sqarimin e rrethanave të ngjarjes dhe për identifikimin dhe kapjen e autorit.'- njofton policia./CNA 

 





Lajmet e fundit nga