web counter
LEXO PA REKLAMA!

SHKARKO APP

E fundit!

x

Plagosja e vëllezërve në Lushnjë/ Njëri prej tyre niset drejt spitalit të Traumës

6 Mars 2024, 10:31, Kronika CNA
Plagosja e vëllezërve në Lushnjë/ Njëri prej tyre niset
Foto ilustruese

I moshuari me iniciale H.M., i cili u plagos me armë zjarri nga vëllai i tij, 77-vjeçari N.M., është nisur drejt spitalit të Traumës në Tiranë. 

Mësohet se gjendja shëndetësore e tij është rënduar. 

Ndërsa 77-vjeçari po i nënshtrohet ndërhyrjes kirurgjikale në spitalin e Lushnjës. Ai ka plagë në krah e këmbë nga goditjet e sëpatës dhe kosores.

Njoftimi i Policisë: 

Rreth orës 08:00, në fshatin Qukas i Vjetër, dyshohet se për shkak të konflikteve për motive pronësie, shtetasi H. M. ka goditur me mjet prerës (sopatë), vëllanë e tij, shtetasin N. M., rreth 77 vjeç, ndërsa ky i fundit ka plagosur shtetasin H. M., me armë zjarri pistoletë. 

Të dy të dëmtuarit janë transportuar në spital, ku janë në kujdesin e mjekëve. Aktualisht, shtetasi H. M. është në gjendje të rëndë shëndetësore.

Shërbimet e Policisë kanë shkuar menjëherë në vendin e ngjarjes, ku kanë sekuestruar në cilësinë e provës materiale, armën e zjarrit pistoletë dhe mjetin prerës (sopatë), të përdorura gjatë konfliktit.

Grupi hetimor po punon për të dokumentuar me prova ligjore rrethanat e rastit.", thuhet në njoftimin e policisë./CNA





Lajmet e fundit nga