web counter
LEXO PA REKLAMA!

SHKARKO APP

App Store
Google Play

I dënuar për vjedhje me dhunë/ Kapet shqiptari me dy identitete, pritet ekstradimi nga Budapesti

31 Gusht 2025, 09:26, Kronika CNA

I dënuar për vjedhje me dhunë/ Kapet shqiptari me dy identitete,

Operacioni "The Wanted" vijon. Policia ka bërë me dije se autoritetet në Budapest kanë kapur një shtetas të shpallur në kërkim, i cili është dënuar me 5 vite burg për vjedhje me dhunë.

Shtetasi shqiptar me dy identitete Auron Hajdini alias Auron Hysaj, 45 vjeç në vitin 2013, nëbashkëpunim me shtetas të tjerë, ka dhunuar rojën e një pusi nafte dhe i kanë marrë një sasi nafte, një automjet, një armë gjahu, një celular dhe disa dokumente.    

Pritet ekstradimi i tij.

“Finalizohet një tjetër fazë e operacionit ndërkombëtar “The Wanted”, për lokalizimin, kapjen dhe arrestimin me qëllim ekstradimi, të shtetasve të shpallur në kërkim ndërkombëtar.    

Kapet në Budapest dhe arrestohet me qëllim ekstradimin në Shqipëri, një shtetas i dënuar me 5 vjet burgim, për vjedhje me dhunë.

Falë informacionit të siguruar nga Departamenti i Policisë Kriminale në Policinë e Shtetit dhe i shkëmbimit të tij me Policinë hungareze, nëpërmjet Interpol Tiranës, u bë i mundur arrestimi në Budapest, me qëllim ekstradimi në Shqipëri, i shtetasit shqiptar:

Auron Hajdini alias Auron Hysaj, 45 vjeç.

Ky shtetas ishte shpallur në  kërkim ndërkombëtar nga Interpol Tirana, pasi Gjykata e Apelit  Tiranë, me vendimin e datë 21.02.2024, e ka dënuar me 5 vjet burgim, nga të cilat i kanë mbetur për të kryer 2 vjet, 11 muaj e 16 ditë.

Në vitin 2013, ky shtetas në bashkëpunim me shtetas të tjerë, ka dhunuar rojën e një pusi nafte dhe i kanë marrë një sasi nafte, një automjet, një armë gjahu, një celular dhe disa dokumente.    

Interpol Tirana, në bashkëpunim me autoritetet hungareze, vijon punën për finalizimin e procedurave të ekstradimit të 45-vjeçarit, në Shqipëri”, njofton policia./ CNA





Lajmet e fundit nga