web counter
LEXO PA REKLAMA!

SHKARKO APP

App Store
Google Play

I përfshirë në disa ngjarje kriminale/ Kush është miku i "Rrumit të Shijakut" që u arrestua nga policia

28 Gusht 2025, 13:19, Kronika CNA

I përfshirë në disa ngjarje kriminale/ Kush është miku

Policia arrestoi mbrëmjen e kaluar Erald Mustafën i njohur si miku i ngushtë i Aleksandër Lahos, alias Rrumi i Shijakut.

Erald Mustafa është një person me rrezikshmëri të lartë i përfshirë dhe në disa ngjarje kriminale.

Arrestimi i fundit u bë në kuadër të një operacioni për parandalimin e një vrasjeje, ku Mustafa u kap me armë zjarri me fishek në fole dhe u la në burg nga gjykata.

Në 3 prill 2023, makina në pronësi të 37-vjeçarit Erald Mustafa shpërtheu me lëndë plasëse në aksin Shkozet–Durrës, ndërsa ai po udhëtonte i vetëm. Fatmirësisht, nuk pati të lënduar.

Policia e ndaloi pas dyshimeve që ai po përgatitej për hakmarrje pas atentatit të Shkozetit në shtator të 2023-shit. Në mjetin e tij u gjet një armë zjarri “Scorpion” me silenciator dhe municion luftarak.

Më 30 shtator 2023, policia vuri në pranga Erald Mustafën në lagjen nr. 15 të Durrësit, në një aksion të koduar. Në makinën që drejtonte u gjet një armë zjarri “Scorpion” me silenciator dhe municion luftarak. Ai dyshohet se po planifikonte një atentat hakmarrjeje, ndoshta për shkak të shpërthimit që iu bë në makinë.

I shpallur në kërkim policor, i dyshuar si autor i ngjarjes së ndodhur më 13.08.2025, në lagjen nr. 14 në Durrës, ku u vendos lëndë eksplozive në banesën e shtetasit Ilir Gjeçajt.

Mustafa ka një të kaluar kriminale të njohur, me dënim prej 10 vjetësh në Gjermani për veprat penale “kanosje” dhe “prodhim dhe shitje narkotikësh”.

Ai është mik i “Rrumit të Shijakut”, Aleksandër Laho, një figurë e njohur në botën kriminale, e përfshirë për shembull në atentatin ndaj ish-prokurorit Arjan Ndoja.





Lajmet e fundit nga