web counter
LEXO PA REKLAMA!

SHKARKO APP

App Store
Google Play

“Nuk doja ta lëndoja, por ta frikësoja”/ Shqiptari dëshmon mbi vrasjen e të shoqes në Volos

25 Gusht 2025, 17:16, Kronika CNA

“Nuk doja ta lëndoja, por ta frikësoja”/ Shqiptari

Shqiptari Pandeli Nakoleci, 40-vjeçari që kreu masakrën në Greqi duke i marrë jetën gruas së tij në sy të fëmijëve, ka rrëfyer të tjera detaje nga ngjarja.

Mediet greke kanë zbardhur një pjesë të re nga dëshmia e tij, sipas së cilës ai pretendon se nuk kishte ndërmend ta vriste, por ta frikësonte.

“E doja shumë gruan time, në mënyrë patologjike. Nuk kisha planifikuar ta vrisja ose ta lëndoja, doja vetëm ta trembja me atë. U çmenda, humba mendjen, mendja ime u shua kur ajo më tha se fëmija që kishte humbur nuk ishte i imi dhe se do të më dërgonte foto dhe video me partnerin e saj të ri. Dyshimet e mia u konfirmuan. Që nga Pashkët e tutje, filloi e keqja. Një palë e tretë na shkatërroi jetën”,-pohoi autori.

Departamentit të Shërbimeve Sociale të Bashkisë së Volosit iu përcoll sot urdhri i Prokurorisë së Volosit për të kryer një hetim në lidhje me caktimin e kujdestarisë së tre fëmijëve të mitur të gruas fatkeqe 36-vjeçare, e cila u vra nga bashkëshorti i saj 40-vjeçar të premten e kaluar.

Fëmijët e mitur janë të moshës 6, 13 dhe 16 vjeç, ndërsa ka edhe një vajzë të rritur 18 vjeç.

Sipas detajeve nga media greke, ka shumë të ngjarë që kujdestaria t'i caktohet motrës së nënës së ndjerë, e cila jeton dhe punon në Skiathos dhe, sipas informacioneve, ka shprehur tashmë një qëllim të tillë./CNA





Lajmet e fundit nga