web counter
LEXO PA REKLAMA!

SHKARKO APP

Kultivoi 10 900 bimë narkotike kanabis/ Arrestohet 25-vjeçari, i shpallur në kërkim ndërkombëtar

30 Gusht 2025, 09:35, Kronika CNA

Kultivoi 10 900 bimë narkotike kanabis/ Arrestohet 25-vjeçari, i

Në kuadër të operacionit “The Wanted” është arrestuar në Spanjë një 25-vjeçar, i shpallur në kërkim ndërkombëtar.

Në vitin 2023, Shkalla e Parë e Gjykatës së Shkodrës ka caktuar ndaj A. Z. masën e sigurisë “Arrest në burg”.

Ai akuzohet se në vitin 2023 ka kultivuar 10 900 bimë narkotike kanabis sativa, në fshatin Kir të Shkodrës.

Ndaj 25-vjeçari rëndojnë akuzat për kultivim dhe shitje narkotikësh, grup kriminal dhe kryerja e veprave penale.

Vijon puna për ekstradimin e tij, mes Interpol Tiranës me Interpol Madridin.

 

Njoftimi i policisë

Vijon intensivisht bashkëpunimi me partnerët, për kapjen e shtetasve në kërkim ndërkombëtar. 

Si rezultat, u finalizua një tjetër fazë e operacionit ndërkombëtar “The Wanted”. 

Në kuadër të kësaj faze, falë informacionit të siguruar nga Departamenti i Policisë Kriminale në Policinë e Shtetit dhe shkëmbimit në kohë reale nëpërmjet Interpol Tiranës me Interpol Madridin, u bë i mundur lokalizimi në Spanjë, kapja dhe arrestimi me qëllim ekstradimin, i shtetasit në kërkim ndërkombëtar A. Z., 25 vjeç, lindur në Laç.

Gjykata e Shkallës së Parë e Juridiksionit të Përgjithshëm Shkodër, në vitin 2023, i ka caktuar këtij shtetasi, masën e sigurisë “Arrest në burg”, për veprat penale "Kultivim i bimëve narkotike", "Prodhimi dhe shitja e  narkotikëve", "Grupi i strukturuar kriminal" dhe "Kryerja e veprave penale nga organizata kriminale ose grup i strukturuar kriminal".

Shtetasi A. Z. akuzohet se në bashkëpunim me shtetas të tjerë, në vitin 2023, ka kultivuar 10 900 bimë narkotike Cannabis Sativa, në fshatin Kir, njësia administrative Pult, dhe në afërsi të fshatit Theth, Shkodër. 

Interpol Tirana, në bashkëpunim me Interpol Madridin, vijon punën për finalizimin e procedurave të ekstradimit të këtij shtetasi, në Shqipëri.





Lajmet e fundit nga