web counter
LEXO PA REKLAMA!

SHKARKO APP

App Store
Google Play

E fundit!

x

Goditet rrjeti i trafikut të drogës/ Sekuestrohen mbi 150 kilogramë kokainë, tre shqiptarë në pranga

21 Prill 2026, 20:48, Kronika CNA

Goditet rrjeti i trafikut të drogës/ Sekuestrohen mbi 150

Tre shtetas shqiptarë, banues në Mantova, janë arrestuar nga autoritetet italiane për trafikim dhe shpërndarje të lëndëve narkotike. Operacioni u zhvillua nga Skuadrat Fluturuese të Trevisos dhe Mantovës, në koordinim me Prokurorinë Publike të Trevisos.

Gjatë hetimeve, policia sekuestroi në total mbi 150 kilogramë kokainë, si dhe sasi hashashi dhe një shumë parash prej rreth 55 mijë eurosh.

Arrestimi i parë u bë në zonën e Trevisos, ku një 48-vjeçar shqiptar u ndalua ndërsa në automjetin e tij u gjetën rreth 20 kilogramë kokainë dhe gjysmë kilogrami hashash, të fshehura në një hapësirë të modifikuar posaçërisht nën sediljet e përparme.

Hetimet çuan më pas në gjurmimin e dy bashkëpunëtorëve të tij, S.E. 31 vjeç dhe K.M. 34 vjeç, të dy banues në Mantova. Gjatë kontrollit në banesën e S.E., policia zbuloi nën shtratin e tij 122 pako kokainë, me një peshë totale që, së bashku me sekuestrimet e tjera, arrin mbi 150 kilogramë.

Gjithashtu, gjatë kontrollit të automjeteve të dy të arrestuarve u zbuluan ndarje të fshehta të përdorura për transportimin e drogës.

Autoritetet italiane bëjnë me dije se ky operacion lidhet me një hetim të nisur më herët, pas arrestimit të një tjetër të dyshuari më 3 prill pranë stacionit të trenit në San Trovaso di Preganziol, ku u gjetën rreth 7 kilogramë kokainë në automjetin e tij. Hetimet vijojnë./ CNA





Lajmet e fundit nga