web counter
LEXO PA REKLAMA!

SHKARKO APP

App Store
Google Play

E fundit!

x

Dy mina me telekomandë dhe armë zjarri/ Parandalohet ngjarja kriminale në Lezhë

21 Korrik 2024, 13:30, Kronika CNA
Dy mina me telekomandë dhe armë zjarri/ Parandalohet ngjarja
Foto: Policia e Shtetit

Parandalohet një ngjarje e rëndë kriminale në Lezhë. Policia ka arrestuar 48-vjeçarin nga Pogradeci me iniciale A.Z, i cili ishte duke udhëtuar me taksi për në Lezhë, teksa me vete kishte armë zjarri dhe minë me telekomandë.

Ai u arrestua në vendin e quajtur “Kryqëzimi i Shën Kollit”.

Hetimet vijojnë për zbardhjen e plotë të qëllimit të udhëtimit të 48-vjeçarit të armatosur me armë zjarri dhe mina, si dhe identifikimin e kapjes së shtetasit/ëve që do të bashkëpunonin në Lezhë për të kryer një ngjarje kriminale.

Njoftimi i policisë: 

Të armatosur me një armë zjarri dhe dy mina me telekomandë, falë inteligjencës policore, parandalohet një ngjarje e rëndë kriminale.
Përfundoi nga Seksioni për Hetimin e Narkotikëve, në bashkëpunim me Forcat Speciale “Shqiponja” e DVP Lezhë, operacioni i koduar policor “Destinacioni”.
48-vjeçari nga Pogradeci duke udhëtuar me taksi për në Lezhë kapet në “Kryqëzimin e Shën Kollit”, Lezhë. I armatosur me armë zjarri dhe minë me telekomandë.
Sekuestrohen armë zjarri, pistoleta, dy mina me telekomandë dhe municione luftarake.
Pas goditjeve të njëpasnjëshme në kuadër të megaoperacionit “Sundi i Ligjit”, bazuar në informacionet e policisë se një shtetas i armatosur me armë zjarri dhe minë me telekomandë po udhëtonte drejt Lezhës, Seksioni i Hetimit të Narkotikëve të DVP Lezhë, në bashkëpunim me Forcat Speciale të DVP “Shqiponja” Lezhë, organizuan dhe finalizuan operacionin e koduar policor “Destinacioni”.
Gjatë operacionit, në vendin e quajtur “Kryqëzimi i Stenkollit”, Lezhë, shërbimet e Policisë ndaluan mjetin taksi me të cilin udhëtonte pasagjeri A. Z.

Nga kontrolli fizik i këtij shtetasi, policia gjeti 1 armë zjarri pistoletë fishekë, dy mina me telekomandë dhe municione luftarake.

Në përfundim të procesit të rregullt ligjor u bë arrestimi në flagrancë i shtetasit A. Z. , 48 vjeç, banues në Pogradec, për veprën penale “Mbajtja pa leje dhe prodhimi i armëve, armëve shpërthyese dhe municionit”.

Në bashkëpunim me Prokurorinë, vijon puna intensive për zbardhjen e plotë të qëllimit të udhëtimit të 48-vjeçarit të armatosur me armë zjarri dhe mina, si dhe identifikimin e kapjes së shtetasit/ëve që do të bashkëpunonin në Lezhë për kryejnë ngjarje kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme./CNA 





Lajmet e fundit nga