web counter
LEXO PA REKLAMA!

SHKARKO APP

E fundit!

x

“Arrest me Burg” për Izmir Sakicën dhe Samuel Troshanin/ Avokati: Nuk ka çështje tjetër ndaj tyre

25 Janar 2025, 12:58, Kronika CNA

“Arrest me Burg” për Izmir Sakicën dhe Samuel Troshanin/

Gjykata e Shkallës së Parë në Shkodër ka caktuar masën e sigurisë “Arrest me burg” për Izmir Sakicën dhe Samuel Troshanin. Pas përfundimit të seancës, avokati mbrojtës Sokol Tahiraj deklaroi se masa e sigurisë ishte për ngjarjen e ndodhur më 3 qershor 2024.

“Ishte në verifikim të kushteve të ndalimit ndaj 2 shtetasve për një ngjarje e cila ka ndodhur në 3 qershor 2024 dhe ishte caktuar masa e sigurisë arrest me burg në mungesë.Në momentin që i vumë në dijeni që këta persona janë nën hetim kemi marrë në dorëzim në policinë e  rrethit gjyqësor Shkodër.

Çështja është akoma nën hetim dhe nuk ka moment të dytë për këtë masë sigurimi pra mbetet arrest me burg.Në rastin konkret kemi të bëjmë me armëmbajtje pa leje po presim hetimin”.

Sakica dhe Troshani dyshohet se janë dy prej autorëve në vrasjen e katërfishtë në Dobraç por avokati deklaron se deri më tani nuk ka asnjë lloj vepre penale të ngritur ndaj tyre përveç rastit në lagjen Rus.

"Zyrtarisht kemi vetëm një masë sigurimi është procedimi i datës 3 qershor 2024.Nuk kemi procedim tjetër, kemi një konflikt mes dy palëve për një parking dhe kjo është normalizuar sipas deklaratave të dhëna. Zyrtarisht nuk ka asnjë çështje tjetër."

Izmir Sakica dhe Samuel Troshani u vetëdorëzuan 2 ditë më parë në policinë e Shkodrës./ CNA





Lajmet e fundit nga