web counter
LEXO PA REKLAMA!

SHKARKO APP

E fundit!

x

Çarja e digës së HEC-it në Bunec/ Nën hetim administratori

17 Janar 2025, 13:46, Kronika CNA
Çarja e digës së HEC-it në Bunec/ Nën hetim
Hidrocentrali në Bunec të Lukovës

Pas çarjes së digës dje gjatë mesditës, policia ka njoftuar sot se ka nisur procedim penal për shtetasin V. N., 68 vjeç, administrator në Hidrocentralin në Bunec të Lukovës.

Ai akuzohet për veprën penale “Shkatërrimi i pronës” dhe materialet i kanë kaluar Prokurorisë për shqyrtim.

Njoftimi i policisë:


“Specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimi për veprën penale “Shkatërrimi i pronës”, për shtetasin Vangjel Ngjelo, 68 vjeç, banues në Gjirokastër, pasi dje, rreth orës 12:30, në hidrocentralin ku ai është administrator, është çarë diga, dhe si pasojë është bllokuar rruga nacionale “Himarë-Sarandë” dhe janë përmbytur disa banesa në vendin e quajtur “Bunec”.

Materialet procedurale i kaluan prokurorive, për veprime të mëtejshme”, thuhet në njoftimin e Policisë.

Kujtojmë se dje gjatë mesditës diga e HEC-it në Bunec të Lukovës në Himarë u ça dhe si pasojë u shënuan shumë dëmë materiale në prona e biznese./CNA





Lajmet e fundit nga