web counter
LEXO PA REKLAMA!

SHKARKO APP

App Store
Google Play

Vranë dhe grabitën të moshuarin në Mallakastër në 2022-shin/ Prokuroria e Fierit çon për gjykim 3 autorët

17 Janar 2025, 12:15, Kronika CNA
Vranë dhe grabitën të moshuarin në Mallakastër në
Prokuroria e Përgjithshme e Fierit

Prokuroria e Fierit ka përfunduar hetimet për vrasjen në Mallakastrës në vitin 2022, për 3 shtetasit autorë të kësaj ngjarjeje. Prokuroria pranë Gjykatës së Shkallës së Parë të Juridiksionit të Përgjithshëm Fier ka kërkuar gjykimin e tyre.

Ngjarja ka ndodhur në nëntor 2022, ku i moshuari Caush Shehaj u grabit dhe u vra.

Tre të pandehurit, shtetasit M. G., E. H. dhe F. Ç., do të gjykohen për veprat penale “Vjedhje me pasojë vdekjen” e kryer në bashkëpunim dhe “Mbajtje pa leje dhe prodhimi i armëve, armëve shpërthyese dhe i municionit”.

Njoftimit zyrtar:

"Prokuroria pranë Gjykatës së Shkallës së Parë të Juridiksionit të Përgjithshëm Fier, përfundoi hetimet dhe dërgoi në gjyq tre të pandehurit, shtetasit M.G., E.H. dhe F.Ç., për veprat penale “Vjedhja me pasojë vdekjen” e kryer në bashkëpunim, parashikuar nga neni 141 i Kodit Penal dhe “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 278 prg.1 i Kodit Penal.
Nga hetimet e zhvilluara në bashkëpunim me Drejtorinë Vendore të Policisë në kuadër të procedimit penal nr.1394/2022, u arrit të provohet se, në datën 19.11.2022, rreth orës 02:00, në fshatin Klos, Bashkia Mallakastër, shtetasit M.G., E.H., F.Ç. në bashkëpunim me njeri-tjetrin, kanë vjedhur me armë banesën e shtetasit C. Sh., të cilin edhe e kanë dhunuar fizikisht. Si pasojë e plagëve të marra në pjesën e fytyrës dhe të trupit, shtetasi C. Sh ndërroi jetë.
Në përfundim të hetimeve organi i akuzës ka përpiluar edhe kërkesën për dërgimin e çështjes në gjyq në ngarkim të pandehurve M.G., E.H., F.Ç. për veprën penale “Vjedhja me pasojë vdekjen” e kryer në bashkëpunim, parashikuar nga neni 141 i Kodit Penal dhe “Mbajtja pa leje dhe prodhimi i armëve, armëve shpërthyese dhe i municionit” e parashikuar nga neni 278 prg.1 i Kodit Penal.
Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë dhe vënien para përgjegjësisë ligjore të personave që kryejnë vepra penale kundër shëndetit të personit dhe pasurisë së tyre.", -bëhet me dije nga Prokuroria./CNA





Lajmet e fundit nga