web counter
LEXO PA REKLAMA!

SHKARKO APP

App Store
Google Play

Shfrytëzoi një 36-vjeçare për pr*stitucion/ Arrestohet 32-vjeçari

17 Janar 2025, 12:45, Kronika CNA
Shfrytëzoi një 36-vjeçare për pr*stitucion/ Arrestohet
Foto ilustruese

Policia në Berat ka zhvilluar operacionin e koduar "Precedenti", nga ku u vu në pranga shtetasi A. K., 32 vjeç. Ky shtetas akuzohet për shfrytëzim prostitucioni ndaj një 36-vjeçareje.

Nga hetimi disajavor policor, u mësua se 36-vjeçarja shfrytëzohej për prostitucion në Berat dhe në Lushnjë.

32-vjeçari, ishte dënuar edhe më parë, për shfrytëzimin e së njëjtës shtetase, për prostitucion në Shqipëri dhe në Greqi.

Po ashtu, u kap dhe ndalua shtetasja A. H., 36 vjeçe, banuese në Memaliaj.

Prokurorisë pranë Gjykatës së Shkallës së Parë të Juridiksionit të Përgjithshëm Berat është duke vijuar procedurat e mëtejshme.

Njoftimi i policisë:

“Operacioni, rezultat i një hetimi disajavor, me metoda proaktive, nga Seksioni për Hetimin e Trafiqeve të Paligjshme, në bashkëpunim me Prokurorinë e Beratit. Arrestohet një 32-vjeçar që shfrytëzonte një 36-vjeçare, për prostitucion në Berat dhe në Lushnjë.

Në pranga dhe shtetasja që ushtronte prostitucion.32-vjeçari, i dënuar më parë, për shfrytëzimin e të njëjtës shtetase, për prostitucion në Shqipëri dhe në Greqi.

Në kuadër të operacionit "Precedenti", si dhe në zbatim të masës së sigurisë “Arrest në burg”, të caktuar nga Gjykata e Beratit, përkatësisht për veprat penale “Shfrytëzimi i prostitucionit “ dhe “Prostitucioni”, u kap dhe u vu në pranga shtetasi A. K., 32 vjeç, banues në Berat, gjithashtu në bashkëpunim me Stacionin e Policisë Memaliaj u kap dhe ndalua shtetasja A. H., 36-vjeçe, banuese në Memaliaj, Tepelenë, për veprën penale "Prostitucioni".

32-vjeçari akuzohet se ka shfrytëzuar për prostitucion në Berat dhe në Lushnjë, shtetasen A. H.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.”/CNA





Lajmet e fundit nga