web counter
LEXO PA REKLAMA!

SHKARKO APP

App Store
Google Play

3300 veshje dhe qindra litra pije alkoolike të kontrabanduara/ Në pranga një person, procedohet një tjetër

30 Prill 2026, 15:05, Kronika CNA

3300 veshje dhe qindra litra pije alkoolike të kontrabanduara/ Në

Dy tentativa për kontrabandim mallrash janë goditur në Portin e Durrësit.

Në pranga është vënë 50-vjeçari A.P., që transportonte me kamion 3300 veshje të dyshuara që nuk kishin dokumentacion shoqërues.

Ndërkohë është proceduar penalisht një 54-vjeçar pasi në kamionçinën që drejtonte iu gjetën pije alkoolike dhe 86 shishe me këtë produkt, të dyshuara të kontrabanduara.

Njoftimi i policisë:

PKK Port, Durrës/Goditen 2 tentativa për të kontrabanduar mallra, në Shqipëri.

Vihet në pranga një shtetas që transportonte me kamion, 3300 palë veshje pa fatura blerjeje.

Vihet në hetim një shtetas që transportonte me kamionçinë, qindra litra pije alkoolike pa fatura origjine.

Sekuestrohen mallrat.

Në vijim të kontrolleve të mbështetura tek analiza e riskut dhe puna operative që janë intensifikuar në hyrje/dalje të Republikës së Shqipërisë, me qëllim parandalimin dhe goditjen e paligjshmërive, dhe për garantimin e qarkullimit të sigurt të shtetasve dhe mallrave, shërbimet e Policisë Kufitare të portit të Durrësit goditën në hyrje të Republikës së Shqipërisë, 2 tentativa për të kontrabanduar mallra.

Konkretisht, për këto raste:

-u arrestua në flagrancë shtetasi A. P., 50 vjeç, banues në Shijak, pasi në kamionin që drejtonte, u gjetën 3300 palë veshje të dyshuara të kontrabanduara, pasi nuk kishin dokumentacion shoqërues;

-u referuan materialet në Prokurori, ku nisi procedimi penal për shtetasin Sh. D., 54 vjeç, banues në Rrogozhinë, pasi në kamionçinën që drejtonte, u gjetën sasi pije alkoolike dhe 86 shishe me këtë produkt, të dyshuara të kontrabanduara, pasi nuk kishin dokumentacion shoqërues.

Materialet procedurale iu referuan Prokurorisë së Durrësit, për veprime të mëtejshme. /CNA





Lajmet e fundit nga