web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet vila trekatëshe ku ushtrohej prostitucion, në pranga shtetase kolumbiane dhe domenikane

30 Prill 2026, 13:10, Kronika CNA

Zbulohet vila trekatëshe ku ushtrohej prostitucion, në pranga shtetase

Një operacion i Policisë ka çuar në zbulimin e një objekti trekatësh në Elbasan, i cili dyshohet se përdorej për ushtrim prostitucioni dhe shpërndarje të lëndëve narkotike.

Sipas njoftimit zyrtar, specialistët e Drejtorisë Vendore të Policisë Elbasan, në bashkëpunim me strukturat për Hetimin e Trafiqeve dhe Mbështetjen Operacionale, finalizuan operacionin e koduar “Streha”, pas një hetimi të zhvilluar në koordinim me Prokurorinë.

Gjatë ndërhyrjes në objektin e ndodhur në lagjen “Visarjon Xhuvani”, u arrestuan në flagrancë katër shtetase të huaja nga Kolumbia dhe Republika Domenikane, të moshave nga 25 deri në 35 vjeç, të cilat dyshohet se ushtronin prostitucion dhe shpërndanin lëndë narkotike.

Nga kontrollet në ambientet e vilës u sekuestruan rreth 0.5 kg kanabis sativa, 35.3 gramë kokainë, shuma parash, armë sportive, telefona celularë dhe sende të tjera që lidhen me aktivitetin kriminal.

Hetimet kanë çuar gjithashtu në identifikimin e organizatorit të dyshuar të kësaj veprimtarie, një shtetas 56-vjeçar, i cili është shpallur në kërkim dhe për kapjen e tij vijon puna.

“DVP Elbasan/Finalizohet operacioni i koduar “Streha”, si rezultat i një hetimi me metoda proaktive, të ndjekur nga Policia e Elbasanit, në mbikëqyrjen e Prokurorisë së Elbasanit.

Zbulohet se në një objekt 3-katësh, në lagjen "Visarjon Xhuvani", ushtrohej prostitucion dhe shiteshin lëndë narkotike Kokainë dhe Cannabis Sativa.

Arrestohen në ambientet e objektit, 4 shtetase nga Kolumbia dhe Republika Domenikane, të përfshira në këto veprimtari kriminale.

Identifikohet dhe shpallet në kërkim organizatori. Sekuestrohen 0.5 kg lëndë narkotike Cannabis Sativa, 35.3 g lëndë narkotike Kokainë, shuma parash, armë sportive, celularë dhe sende të tjera që lidhen me dy veprimtaritë kriminale.

Specialistët e strukturave hetimore të Drejtorisë Vendore të Policisë Elbasan, në bashkëpunim me specialistët e seksioneve për Hetimin e Trafiqeve dhe për Mbështetjen Operacionale, si rezultat i një hetimi intensiv, me metoda proaktive, të kryer në koordinim me Prokurorinë e Elbasanit, me qëllim dokumentimin me prova ligjore të vënies së një objekti disakatësh, në lagjen "Visarjon Xhuvani", në funksion të disa veprimtarive kriminale, finalizuan operacionin e koduar “Streha”.

Gjatë ndërhyrjes në objekt, u arrestuan në flagrancë shtetaset e huaja, B. M., 35 vjeçe, D. G., 27 vjeçe, L. M., 25 vjeçe dhe J. B., 33 vjeçe.

Nga hetimi rezultoi se ato ushtronin prostitucion në objektin 3-katësh, si dhe iu shitnin shtetasve që përfitonin nga kjo veprimtari kriminale, lëndë narkotike Kokainë dhe Cannabis Sativa.

Gjithashtu, nga hetimi u identifikua organizatori i këtyre veprimtarive kriminale, shtetasi A. T., 56 vjeç, për lokalizimin dhe kapjen e të cilit, Policia vijon intensivisht punën.

Materialet procedurale iu referuan Prokurorisë së Elbasanit, për veprime të mëtejshme”, njofton policia./ CNA





Lajmet e fundit nga