web counter
LEXO PA REKLAMA!

SHKARKO APP

App Store
Google Play

Atentati në Lezhë/ Gjendet makina e dytë e autorëve, çfarë u gjet brenda saj

29 Prill 2026, 14:48, Kronika CNA

Atentati në Lezhë/ Gjendet makina e dytë e autorëve,

Një tjetër automjet i përfshirë në atentatin e ndodhur tri ditë më parë në Balldren të Lezhës, ku humbën jetën Kreshnik dhe Gentiana Mujeci, është gjetur nga policia.

Makina tip “Audi A4”, i cili dyshohet se është i përfshirë në dinamikën e ngjarjes dhe se është përdorur nga bashkautorët, të cilët kanë pasur rolin e vëzhguesve të lëvizjeve të viktimave, u gjet në fshatin Torovicë në një rrugë dytësore pranë një kanali.

Sipas informacioneve policore, brenda automjetit u gjetën dokumentacione që u përkisnin autorëve të shpallur në kërkim. Makina do t’u nënshtrohet ekspertizave kriminalistike, ndërsa vijon puna për lokalizimin dhe kapjen e autorëve.

Njoftimi i policisë:

Lezhë / Vijojnë veprimet e thelluara hetimore dhe kontrollet në terren për sigurimin e të gjitha provave që shërbejnë për dokumentimin e plotë ligjor të autorësisë së ngjarjes së ndodhur më datë 26.04.2026, në fshatin Balldren.

Si rezultat i hetimeve, informacioneve të siguruara dhe kontrolleve të imtësishme në terren, të kryera nga shërbimet, në fshatin Torovicë, në një rrugë dytësore, në tokë arë, pranë një kanali, u gjet një automjet tip “Audi A4”, i cili dyshohet se është i përfshirë në dinamikën e ngjarjes dhe se është përdorur nga bashkautorët, të cilët kanë pasur rolin e vëzhguesve të lëvizjeve të viktimave.

Gjatë këqyrjes së tij, brenda automjetit u gjetën dokumentacione që u përkisnin autorëve të shpallur në kërkim.

Me qëllim kryerjen e verifikimeve më të specializuara, automjeti u sekuestrua në cilësinë e provës materiale dhe do t’i nënshtrohet ekspertizave kriminalistike.

Ndërkohë, në mënyrë intensive dhe të pandërprerë, vijon kontrolli i zonave për lokalizimin dhe kapjen e autorëve të shpallur në kërkim. Materialet procedurale iu referuan Prokurorisë së Lezhës për veprime të mëtejshme. /CNA





Lajmet e fundit nga