web counter
LEXO PA REKLAMA!

SHKARKO APP

App Store
Google Play

E fundit!

x

U arrestua në Brazil me dokumente false/ Del fotoja e Ervin Matës, pritet ekstradimi

28 Prill 2026, 11:00, Kronika CNA

U arrestua në Brazil me dokumente false/ Del fotoja e Ervin Matës,

I shumëkërkuari Ervin Mata është vënë në pranga në Brazil, ndërsa janë zbardhur nga arrestimi i tij dhe është publikuar fotoja e tij pas ndalimit.

U arrestua në Brazil me dokumente false/ Del fotoja e Ervin Matës,
Ervin Mata

Sipas raportimeve, Mata jetonte mes Brazilit dhe Paraguait, ndërsa në momentin e ndalimit, ai i ka dorëzuar policisë dokumente të falsifikuara të Paraguait me vendlindje në Mbretërinë e Bashkuar.

Gjithashtu, 39-vjeçarit i janë gjetur edhe disa dokumente identifikimi të huaja, përfshirë një pasaportë bullgare, kartë identiteti bullgare që iu sekuestruan nga autoritetet vendase.

Ervin Mata u vu në pranga në qendër të Ilhabela-s, në bregdetin e San Paulo-s pasi informacionet e inteligjencës tregonin se ai kishte udhëtuar nga rajoni Baixada Santista në bregdetin verior. Policia e Shtetit reagoi gjithashtu për arrestimin e Matës, ku bëri me dije se pritet ekstradimi i tij drejt Shqipërisë.

Në nëntor të vitit 2023, Prokuroria e Posaçme e shpalli Ervin Matën në kërkim si pjesë e një grupi kriminal që trafikonte drogë nga Amerika e Jugut. Po ashtu Ervin Mata akuzohet edhe për veprat penale të vrasjes dhe pastrimit të parave. Katër dërgesa me kokainë të kapura në vitin 2021 në Holandë, Brazil, Gjermani dhe Spanjë, janë bërë objekt i hetimit të prokurorisë së posaçme SPAK, ndaj anëtarëve të grupit të Ervin Matës.

Bëhet fjalë për një sasi prej 931 kg kokainë dhe lëndë narkotike të llojeve të ndryshme, që janë kapur në katër shtete dhe SPAK ka provuar se organizatorë të dërgimit të kokainës nga vendet e Amerikës Latine në Europë, ishin pikërisht shqiptarët, që drejtoheshin nga Ervin Mata. /CNA





Lajmet e fundit nga