web counter
LEXO PA REKLAMA!

SHKARKO APP

E fundit!

x

Atentati në Lezhë/ Dhjetëra plumba u qëlluan drejt automjetit të viktimave, autorët ende mister

26 Prill 2026, 18:10, Kronika CNA

Atentati në Lezhë/ Dhjetëra plumba u qëlluan drejt

Një atentat me armë zjarri u regjistrua ditën e sotme në Lezhë. Viktimë e të shtënave me armë zjarri mbetën një çift bashkëshortësh, konkretisht shtetasi K. M., 39 vjeç, dhe shtetasja G. M., 32 vjeç.

Sipas raportimeve, rreth 30 plumba kanë goditur automjetin e viktimave, ndërsa më herët drejtori i Policisë së Lezhës, Arben Nasufi deklaroi se u qëllua me breshëri ndërsa makina ishte në lëvizje.

Shkaqet e ngjarjes tronditëse ende nuk dihen, ndërkohë që bëhet me dije se specialistët e sektorit të Krimeve të Rënda në Policinë e Shtetit kanë mbërritur në Lezhë nga Tirana për hetimet.

Mister mbeten dhe autorët e krimit të rëndë. Për identitetin e tyre nuk dihet asnjë detaj, ndërsa më herët u bë me dije se kanë nisur kontrollet për lokalizimin dhe kapjen e tyre. Deri më tani dyshohet se dy janë pistat e ngjarjes kriminale: gjakmarrja dhe pazaret e drogës.

39-vjeçari në vitin 2017 ishte arrestuar, bashkë me të vëllanë për një vrasje të ndodhur 10 vite më parë në  fshatin Mali i Jushit në Shkodër, ku viktima ishte shtetasi G.M. Asokohe, 39-vjeçari K.M., u akuzua për veprën penale “Vrasja me paramendim”, e kryer në bashkëpunim dhe “Prodhim dhe mbajtje pa leje e armëve luftarake dhe municionit”. /CNA





Lajmet e fundit nga