web counter
LEXO PA REKLAMA!

SHKARKO APP

App Store
Google Play

Përshtati lokalin për lojëra fati/ Pranga 24-vjeçarit në Tiranë

29 Prill 2026, 15:36, Kronika CNA

Policia e Shtetit ka goditur një rast të organizimit të lojërave të fatit në një lokal në kryeqytet.

Si rezultat ka rënë në pranga personi që kishte në përdorim ambientin, 24-vjeçari Xh. Xh.

Në vijim të veprimeve, këtij shtetasi iu sekuestrua celulari, në të cilin nga verifikimet iu konstatuan faqe online për vënien e basteve.

 

Njoftimi i policisë

 

Tiranë/Vijon operacioni i koduar “Fati i lojërave”. Zbulohet në Kombinat, një tjetër lokal, ku viheshin baste sportive, me celular.

Arrestohet shtetasi që kishte në përdorim ambientin, si dhe i sekuestrohet celulari.

Specialistët për Hetimin e Krimeve të Komisariatit të Policisë Nr. 6, gjatë kontrolleve në lokale dhe në ambiente të tjera, të kryera në kuadër të operacionit të koduar “Fati i lojërave”, me qëllim evidentimin dhe goditjen e rasteve të përshtatjes së këtyre ambienteve, për organizim të kundërligjshëm të lojërave të fatit, konstatuan se në një lokal në zonën “Kombinati”, viheshin baste sportive, me celular.

Për këtë rast u vu në pranga shtetasi që kishte në përdorim ambientin, Xh. Xh., 24 vjeç.

Nga verifikimet në celularin e tij, u konstatuan faqe aktive, për vënie të basteve sportive.

Kontrollet kundër kësaj veprimtarie, vijojnë në të gjithë territorin e qarkut.

Materialet procedurale iu referuan Prokurorisë së Tiranës, për veprime të mëtejshme.





Lajmet e fundit nga