web counter
LEXO PA REKLAMA!

SHKARKO APP

App Store
Google Play

E fundit!

x

Zyrtari ukrainas: Rusët po bombardojnë vendbanimet në zonat e çliruara të Khersonit përgjatë lumit Dnipro

29 Nëntor 2022, 17:10, Kosova & Bota CNA
Zyrtari ukrainas: Rusët po bombardojnë vendbanimet në zonat e
Foto ilustruese

Zyrtarët ukrainas janë shprehur se forcat ruse po bombardojnë  të gjitha vendbanimet përgjatë bregut perëndimor të lumit Dnipro në rajonin jugor të Khersonit, duke përfshirë territorin e çliruar së fundmi.

Serhii Khlan, një anëtar i këshillit rajonal të Khersonit, tha në një konferencë shtypi se pushtuesit vazhdojnë të bombardojnë qytetin e Khersonit dhe pjesën e bregut perëndimor të rajonit Kherson.

"Ata po bombardojnë absolutisht të gjitha vendbanimet që ndodhen përgjatë bregut të lumit Dnipro," tha ai, raporton CNN.

Ai tha se nuk ka patur viktima, por forcat ruse vazhdojnë të godasin infrastrukturën jetike.

"Ekuipazhet e kompanisë energjetike po punojnë për të rivendosur plotësisht furnizimin me energji në qytetin Kherson. Infrastruktura kritike është furnizuar, por jo e gjitha. Spitalet kanë marrë energji elektrike," tha ai.

"Fatkeqësisht, nuk është ende e mundur furnizimi plotësisht me ujë," tha Khlan. "Interneti filloi të funksiononte , jo në të gjithë qytetin, por në disa zona. Tani mund të themi se 20% e konsumatorëve janë të lidhur në Kherson."

Khlan tha se vetëm një e katërta e popullsisë së qytetit Kherson prej 320,000 të paraluftës ka mbetur,  dhe më shumë njerëz po largohen çdo ditë për shkak të bombardimeve dhe mungesës së shërbimeve./ CNA.al





Lajmet e fundit nga