web counter
LEXO PA REKLAMA!

SHKARKO APP

App Store
Google Play

Zyrtari i inteligjencës gjermane, nën akuza për tradhti/ Dyshohet se i dha Rusisë sekrete shtetërore

6 Shtator 2023, 17:16, Kosova & Bota CNA

Zyrtari i inteligjencës gjermane, nën akuza për tradhti/ Dyshohet

Një oficer i lartë i inteligjencës gjermane, Carsten L., është akuzuar për tradhti, pasi dyshohet se i ka dhënë Rusisë sekrete shtetërore.

Prokurorët mendojnë se zyrtari Carsten L. ndau informacione rreth luftës në Ukrainë dhe grupit mercenar "Wagner".

Sipas BBC, dyshohet se zyrtari gjerman është shpërblyer për informacionet e dhëna me afërsisht 400 mijë euro.

Duke iu referuar raporteve gjermane, mendohet se Carsten L. ka kryer tradhti gjatë kohës që shërbente si mbikëqyrës në departamentin që monitoronte komunikimet telefonike dhe internetin jashtë shtetit.

Përveç zyrtarit, nën akuzë është edhe një shtetas tjetër, që dyshohet se kreu detyrën e korrierit.

Biznesmeni gjerman i lindur në Rusi, Arthur E. akuzohet se ka udhëtuar në Moskë dhe ka dorëzuar informacionin sekret në inteligjencën agjencisë ruse të spiunazhit, FSB.

Të dy këta persona po përballen tashmë me akuzën për "tradhti në një çështje veçanërisht të rëndë" nga prokurori i përgjithshëm i Gjermanisë. Ata mund të përballen me burgim të përjetshëm.

Kujtojmë se pas pushtimit të Ukrainës janë shtuar shqetësimet për spiunazhin rus në Evropë.

Një numër vendesh, duke përfshirë Britaninë e Madhe, Poloninë dhe Norvegjinë, kanë arrestuar ose dëbuar spiunët e dyshuar rusë.

Në Gjermani, u arrestua muajin e kaluar me dyshimin për spiunazh një zyrtar qeveritar që punonte për një zyrë që merrej me pajisje ushtarake.

Gjithashtu, tetorin e vitit të kaluar, u shkarkua shefi i sigurisë kibernetike të Gjermanisë, Arne Schönbohm, pasi u supozua se kishte lidhje me njerëz të përfshirë me shërbimet e inteligjencës ruse./ CNA





Lajmet e fundit nga