web counter
LEXO PA REKLAMA!

SHKARKO APP

App Store
Google Play

Zjarret në Hawaii djegin qytetin historik

10 Gusht 2023, 07:57, Kosova & Bota CNA

Zjarret në Hawaii djegin qytetin historik

Zjarret e furishme të ndezura nga erërat uragane kanë shkatërruar qytetin historik të Lahaina në ishullin Maui të Hawait.

Brian Schatz, senatori amerikan i shtetit, bën me dije në rrjetet sociale se Lahaina është "pothuajse totalisht e djegur”.

Të paktën gjashtë persona kanë mbetur të vdekur.

Sistemi spitalor i Maui-t është mbingarkuar me pacientë të lënduar nga zjarret masive që kanë përfshirë ishullin.

“Zjarrfikësit janë ende duke u përpjekur për të vënë nën kontroll zjarret”, tha Schatz.

Ka pasur raportime se disa njerëz janë hedhur në oqean për t'i shpëtuar flakëve që lëviznin me shpejtësi. Roja Bregdetare e SHBA tha ka shpëtuar personat nga mbytja.

Kryetari i bashkisë së qarkut Maui, Richard Bissen Jr tha në një konferencë shtypi se shumë shtëpi dhe struktura biznesi janë shkatërruar plotësisht.

Sipas banorëve çdo varkë në portin e qytetit është djegur.

"Duket si një film lufte," tha Chrissy Lovitt për Hawaii News Now.

Zyrtarët thanë se është ende e vështirë të përcaktohet shkalla e vërtetë e dëmit në Maui dhe kanë paralajmëruar se numri i të vdekurve mund të rritet. Rreth 2,100 njerëz janë evakuuar.

Mijëra banorë kanë mbetur pa energji elektrike apo shërbim celular për shkak të zjarreve.

Zyrtarët thanë se tre zjarre të mëdha mbeten aktive dhe jashtë kontrollit në Maui.

Shërbimi Kombëtar i Motit tha se flakët u ndezën nga uragani Dora, i cili kaloi Hawaiin në një distancë, por solli me vete shpërthime mbi 60 mph (97k/h), shoqëruar me nivele të ulëta lagështie.

Presidenti Joe Biden në një deklaratë tha se, qeveria federale ka dërguar ndihmë në Haëaii ndërsa luftohet me flakët dhe vazhdohet me përpjekjet e shpëtimit.

Ai shtoi se Departamenti i Transportit po punon për evakuimin e turistëve nga Maui. Rreth 4,000 vizitorë po përpiqen të largohen nga ishulli, tha zyrtari shtetëror i transportit Ed Sniffen./ CNA

 





Lajmet e fundit nga