web counter
LEXO PA REKLAMA!

SHKARKO APP

App Store
Google Play

E fundit!

x

Zjarret masive/ Pas kritikave, Biden zotohet të vizitojë Hawaiin

16 Gusht 2023, 08:11, Kosova & Bota CNA

Zjarret masive/ Pas kritikave, Biden zotohet të vizitojë Hawaiin

Presidenti i SHBA-së, Joe Biden, do të udhëtojë në Hawaii pas kritikave për reagimin e tij ndaj zjarreve vdekjeprurëse në ishull.

Duke folur në Milwaukee të martën, Biden tha se donte të siguronte që njerëzit në shtet të kishin "gjithçka që u nevojitet".

Raportohet se nga zjarret deri më tani janë shkaktuar 101 viktima dhe 1300 persona të tjerë janë zhdukur.

Banorët e Hawaiit janë ankuar për ritmin e reagimit të qeverisë federale ndaj katastrofës.

Ndërsa ishte në Rehoboth Beach, Delaware, gjatë fundjavës, Biden u pyet nga një gazetar për numrin në rritje të vdekjeve në Hawaii dhe u përgjigj: "Asnjë koment".

Presidenti tha të martën se nuk e kishte vizituar ende për shkak të shqetësimeve se një gjë e tillë do të largonte burimet dhe vëmendjen nga reagimi humanitar. Jill Biden do ta shoqërojë atë në Hawaii.

Mbi 500 personele federale të urgjencës janë dërguar deri më tani për të ndihmuar, duke përfshirë 150 specialistë të kërkimit dhe shpëtimit.

Personel shtesë po dërgohet në Maui për të ndihmuar ata që janë tashmë në terren, shtoi Biden.

Ai tha se "të gjitha asetet federale në dispozicion" në rajon do të përdoren për përpjekjet e rimëkëmbjes, duke përfshirë ushtrinë amerikane dhe rojet bregdetare./ CNA





Lajmet e fundit nga