web counter
LEXO PA REKLAMA!

SHKARKO APP

App Store
Google Play

"Urime ditëlindjen e 16-të Kosovë", reagimi i Osmanit për Pavarësinë

17 Shkurt 2024, 08:40, Kosova & Bota CNA
"Urime ditëlindjen e 16-të Kosovë", reagimi i Osmanit

Sot bëhen 16 vite nga shpallja e Pavarësisë së Kosovës.  Shpallja e Pavarësisë së Kosovës është bërë më 17 shkurt të vitit 2008 në Kuvendin e Republikës së Kosovës në Prishtinë.

Për këtë ditë historike në të gjithë shqiptarinë, nuk ka munguar edhe një reagim nga presidentja e Kosovës, Vjosa Osmani, në rrjetet sociale është shprehur: "Të duam Kosovë, të lirë, të pavarur, sovrane e me aleatë. Urime ditëlindjen e 16-të". 

Shpallja e pavarësisë së Kosovës

Shpallja e Pavarësisë së Kosovës më 17 shkurt 2008, ishte kurorëzim i një rrugëtimi të gjatë e të vështirë për qytetarët e Kosovës. Për vite me radhë qytetarët e Kosovës vuajtën pasojat e spastrimit etnik nga regjimi serb i Sllobodan Millosheviçit, gjë e cila rezultoi më një Luftë Çlirimtare (1997-1999). Pas përfundimit të Luftës Çlirimtare të Kosovës u bë edhe vendosja e trupave paqeruajtëse ndërkombetare në Kosovë.

Prej 13 qershorit të vitit 1999, kur forcat serbe u detyruan të largoheshin nga Kosova, ky vend administrohej nga Misioni i Organizatës së Kombeve të Bashkuara - UNMIK dhe Institucionet Vetëqeverisëse të Kosoves: Kuvendi, Presidenti dhe qeveria.

Edhe pse Serbia nuk kishte kontroll mbi Kosovën, në rezolutën 12 44 të Këshillit të Sigurimit, disa herë përmendej se Kosova është protektorat i OKB-së, por juridikisht pjesë e Republikës Federale të Jugosllavisë.

Në nëntor të vitit 2005 nisi zyrtarisht procesi për statusin përfundimtar të Kosovës. Pas konsultimeve gjithëpërfshirëse, më 2 shkurt të vitit 2007 i dërguari special ndërkombëtar për statusin e Kosovës, Martti Ahtisaari, dorëzoi propozimin e tij në Prishtinë dhe Beograd, për pavarësinë e kushtëzuar të Kosovës, hap që çoi drejt krijimit të shtetit te pavarur. Pasi u mbajtën disa raunde bisedimesh, Kosova u shpall e pavarur më 17 shkurt të vitit 2008./CNA





Lajmet e fundit nga