web counter
LEXO PA REKLAMA!

SHKARKO APP

App Store
Google Play

Ukraina dhe Rusia kryejnë shkëmbimin e katërt të të burgosurve të luftës

14 Qershor 2025, 18:43, Kosova & Bota CNA

Ukraina dhe Rusia kryejnë shkëmbimin e katërt të të

Ukraina dhe Rusia kryen një tjetër shkëmbim të burgosurish të luftës, i katërti brenda një jave, thanë palët ndërluftuese të shtunën, sipas marrëveshjeve të arritura në Stamboll në fillim të këtij muaji.

“Ne vazhdojmë t'i nxjerrim njerëzit tanë nga robëria ruse. Ky është shkëmbimi i katërt brenda një jave”,-shkroi Presidenti ukrainas Volodymyr Zelensky në mediat sociale.

Kievi tha gjithashtu se kishte marrë një tjetër grup prej 1,200 trupash të paidentifikuar nga Rusia, të cilët thanë se Rusia pretendonte se i përkisnin qytetarëve ukrainas, përfshirë personelin ushtarak, si pjesë edhe e marrëveshjeve të Stambollit.

“Në përputhje me marrëveshjet ruso-ukrainase, një grup tjetër ushtarakësh rusë u kthyen nga territori i kontrolluar nga regjimi i Kievit”,-tha ministria e mbrojtjes e Rusisë në ‘Telegram’.

Fotografitë e publikuara nga Zelensky në Telegram tregonin burra të moshave të ndryshme, të veshur me kamuflazh dhe të mbështjellë me flamuj ukrainas.

Shkëmbimi ndodhi ndërsa Rusia vazhdimisht i refuzoi thirrjet për armëpushim dhe intensifikoi ofensivën e saj përgjatë vijës së frontit, dhe veçanërisht në rajonin verilindor të Sumy-t, ku kërkon të krijojë një "zonë tampon" për të mbrojtur rajonin e saj Kursk, i cili më parë ishte i pushtuar pjesërisht nga Ukraina./CNA

 

 





Lajmet e fundit nga