web counter
LEXO PA REKLAMA!

SHKARKO APP

App Store
Google Play

E fundit!

x

Panairi i 25-të i Librit në Prishtinë/ Kurti: Mjet për një shoqëri të hapur dhe liri shpirtërore

14 Qershor 2025, 18:10, Kosova & Bota CNA

Panairi i 25-të i Librit në Prishtinë/ Kurti: Mjet për

Këtë fundjavë po mbahet Panairi i librit në Prishtinë, në vitin e tij të 25-të.

Ky panair përkon në 100 vjetorin e lindjes së Martin Camajt, 150 vjetorin e lindjes së Faik Konicës, 200 vjetorin e lindjes së Pashko Vasës dhe 400 vjetorin e lindjes së Pjetër Bogdanit.

Panairi i 25-të i Librit në Prishtinë/ Kurti: Mjet për

Përmes një postimi në rrjetet sociale, kryeministri i Kosovës Albin Kurti ndau pamjet nga vizita e tij në panair, teksa u shpreh se rivijëzon krijimtarinë letrare shqiptare dhe përvojat më të hershme dhe më të bukura të njeriut: marrëdhënien me librin.

Kurti shkruan se numri i titujve të rinj është rreth 2000, derisa numri i titujve të viteve të fundit është rreth 6000, e këtë vit vijnë nga rreth 100 botues nga Kosova, Shqipëria, Maqedonia e Veriut dhe diaspora.

“Me moton "Inteligjenca rrjedh nga libri", panairi përkujton se krijimtaria dhe fuqia e mendimit të artikuluar në faqet e një libri, prek horizonte e thellësi të reja ndjenje e ndjeshmërie, dije e vetëdije të cilat inteligjenca artificiale mundet vetëm t’i lakmojë.

Libri është mjeti kryesor i një shoqërie të hapur, për një mendje të hapur. Sepse libri të sjell lirinë shpirtërore dhe atë mendore.

Tituj ka shumë, që nga Rilindasit tanë deri te botimet më të fundit e aktuale, e dëshiroj dhe ftoj sa më shumë të rinj e të reja që t'i shfletojnë dhe shfrytëzojnë. Kohë ka edhe sot, edhe ditën e nesërme",-shkruan Kurti./CNA





Lajmet e fundit nga