web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i qeverisë amerikane/ Ndalohen operacionet policore ndaj emigrantëve të paligjshëm në ferma, hotele dhe restorante

14 Qershor 2025, 17:40, Kosova & Bota CNA

Vendimi i qeverisë amerikane/ Ndalohen operacionet policore ndaj

Qeveria amerikane u ka urdhëruar zyrtarëve të imigracionit të ndalojnë hetimet dhe operacionet në ferma, hotele dhe restorante, sipas një raporti nga Neë York Times.

Autoriteti i Imigracionit dhe Doganave (ICE) mori një direktivë ku u kërkohej të përmbaheshin nga shkuarja në institucione të tilla, të cilat përfshijnë edhe fabrikat e paketimit të mishit dhe akuakulturën. Ky vendim u komunikua përmes një emaili zyrtar, sipas informacionit të konfirmuar nga tre zyrtarë amerikanë që folën me median amerikane ‘Times’.

“Duke filluar nga sot, ju lutemi të ndaloni të gjitha hetimet dhe operacionet e zbatimit të ligjit në vendin e punës mbi bujqësinë, duke përfshirë akuakulturën dhe fabrikat e paketimit të mishit, restorantet dhe hotelet që funksionojnë”,-shkruhet në në email-et nga zyrtarë të lartë të ICE-së.

Emaili theksonte se hetimet mbi këto industri që përfshijnë "trafikimin e qenieve njerëzore, pastrimin e parave dhe kontrabandën e drogës" duhet të vazhdojnë.

Zëdhënësja e Departamentit të Sigurisë Kombëtare, Tricia McLaughlin, e konfirmoi raportin, duke thënë në një deklaratë se do të ndjekin udhëzimet e presidentit dhe do të vazhdojnë të largojnë nga rrugët e Amerikës më të këqijtë e emigrantëve të paligjshëm e kriminelë.

Ndërprerja e opercaioneve potencialisht pasqyron shqetësimet e qeverisë në lidhje me ndikimin që kanë këto operacione në sektorët jetikë ekonomikë, si dhe në mbështetjen elektorale. Industria bujqësore, veçanërisht në shtete si Kalifornia, mbështetet pothuajse ekskluzivisht në punën e emigrantëve për veprimtarinë e saj të përditshme./CNA

 





Lajmet e fundit nga