E fundit!

15:10 Politikë

Protesta para Kuvendit/ Berisha: Dhunë ndaj qytetarëve, shërbëtorët e Ramës përpiqen ta zhvlerësojnë

Kryetari i Partisë Demokratike, Sali Berisha, ka reaguar p...

79-vjetori i Donald Trump/ Presidenti që udhëheq SHBA-në për herë të dytë

14 Qershor 2025, 14:25, Kosova & Bota CNA

79-vjetori i Donald Trump/ Presidenti që udhëheq SHBA-në për

Sot, Presidenti Donald Trump feston 79-vjetorin e tij.

Trump lindi në 14 qershor të 1946 në lagjen “Queens” të New York City-t.

Donald John Trump është një politikan, biznesmen që shërbeu si presidenti i 45-të i Shteteve të Bashkuara nga 2017 deri në 2021 dhe është presidenti aktual i zgjedhur pas zgjedhjeve të 2024-ës. Ai mori detyrën si presidenti i 47-të më 20 janar 2025.

Anëtar i Partisë Republikane, Trump, është presidenti i parë në historinë e SHBA-së pa përvojë paraprake ushtarake ose qeveritare, dhe i vetmi i dyti që u zgjodh dy herë në mandate jo të njëpasnjëshme, pas Grover Cleveland në 1892.

Në qershor 2015, Trump vendosi të kandidojë si presidenti i ardhshëm i SHBA-ve. Më 8 nëntor 2016, ai u shpall si presidenti i 45-të i SHBA-së duke mposhtur kandidaten demokrate Hillary Clinton. Ai mori postin më 20 janar 2017. Për nga mosha, Trump është presidenti më i vjetër në historinë e SHBA-së.

Lindi dhe u rrit në New York dhe mori diplomën Bachelor në ekonomi në shkollën Wharton në Universitetin e Pensilvanisë në vitin 1968.

Trump e filloi karrierën e tij në biznes, si trashëgimtar i pronave të lëna nga babai i tij, atij dhe vëllezërve të tjerë e fëmijëve të tyre.

Në një deklaratë ka thënë se e ka filluar karrierën e tij me një borxh prej 1 milion dollarësh prej babait të tij. Në momentin e kandidimit për president, pasuria e tij e deklaruar zyrtarisht arrinte në 8,737,540,000$.

Asetet kryesore të pasurisë së tij përfshijnë godinat e shumta dhe pasuri të patundshme.

Me ardhjen e tij sërish në Shtëpinë e Bardhë Trump krijoi sërish furtunë me projekligjet për shumicën e sektorëve.

Qasja e tij dhe vendosja e tarifave për shumë vende të botës kanë sjellë një reagim të fuqishëm të cilin Trump e solli shumë pak kohë pas zgjedhjes si Presidenti i SHBA-së për herë të dytë./ CNA