web counter
LEXO PA REKLAMA!

SHKARKO APP

App Store
Google Play

Sulme ruse në Zaporizhzhia/ Të plagosur dhe shkatërrim i 100 tonëve ndihmë humanitare

14 Qershor 2025, 16:59, Kosova & Bota CNA

Sulme ruse në Zaporizhzhia/ Të plagosur dhe shkatërrim i 100

Të paktën tre persona janë plagosur dhe 100 ton ndihmë humanitare u shkatërruan pas një sulmi me dron rus në një depo në qytetin juglindor të Zaporizhzhisë në Ukrainë në orët e para të së shtunës.

Të plagosurit ishin dy oficerë policie dhe një civil, sipas zyrtarëve lokalë. Dëmi nga sulmi vlerësohet në rreth 3 milionë dollarë. Ndihma ishte planifikuar t'u ofrohej njerëzve që ishin zhvendosur brenda vendit, si dhe banorëve në zonat e vijës së frontit të luftës.

Dyqane, një ndërtesë shumëkatëshe dhe një stacion transporti publik thuhet se u dëmtuan gjithashtu në sulm.

"Tani gjithçka është shkatërruar, dy ditë më parë morëm ndihmë nga 5 kamionë. Ka dëme me vlerë afërsisht 3 milionë dollarë këtu."-tha një zyrtar.

Përveç Zaporizhzhias, rajonet e Kharkiv, Donetsk dhe Dnipro u shënjestruan gjithashtu në një sulm që përbëhej nga një total prej 58 UAV-sh Shahedattack, si dhe lloje të ndryshme dronësh imitues, raportoi forca ajrore ukrainase.

43 sulme u neutralizuan, me 23 të rrëzuara dhe 20 të tjerëve iu bllokua sinjali.

Ndërkohë, ushtria ukrainase raportoi gjithashtu se kishte kryer sulme me dronë gjatë natës duke synuar dy fabrika kimike ruse që ishin të lidhura me prodhimin e eksplozivëve./CNA





Lajmet e fundit nga