web counter
LEXO PA REKLAMA!

SHKARKO APP

App Store
Google Play

Udhëheqësit europianë mirëpresin marrëveshjen tregtare SHBA-BE

27 Korrik 2025, 22:50, Kosova & Bota CNA

Udhëheqësit europianë mirëpresin marrëveshjen tregtare

Një marrëveshje tregtare është arritur midis Bashkimit Evropian dhe SHBA-së pas negociatave.

Marrëveshja do të përfshijë një tarifë të përgjithshme prej 15% nga SHBA-ja për të gjitha mallrat e BE-së. Detajet e marrëveshjes janë ende duke u shqyrtuar, por, si pjesë e saj, Trump tha gjithashtu se BE-ja kishte premtuar qindra miliarda dollarë investime dhe blerje energjie.

Udhëheqësi amerikan e përshkroi marrëveshjen si "më të madhen e arritur ndonjëherë"; ndërsa Ursula von der Leyen e përshëndeti marrëveshjen, duke thënë se ajo do të sillte stabilitet dhe parashikueshmëri për të dyja palët.

Në orët që pasuan njoftimin, udhëheqësit evropianë e mirëpritën me kujdes marrëveshjen tregtare me kancelarin gjerman Friedrich Merz, i cili tha se marrëveshja arriti të ruajë interesat themelore të BE-së.

Kryeministrja italiane Giorgia Meloni e sheh marrëveshjen si pozitive, por thekson se do të duhet të shohë detajet përpara se të japë gjykimin e duhur. Kryeministri irlandez Micheal Martin thotë se kjo do të ndihmojë në sjelljen e stabilitetit, por ai pranon se tregtia do të jetë më e shtrenjtë se më parë./ CNA, përkthyer nga BBC





Lajmet e fundit nga