web counter
LEXO PA REKLAMA!

SHKARKO APP

App Store
Google Play

E fundit!

x

Trump mbështeti protestuesit iranianë/ Reagon ministri i Jashtëm i Iranit

2 Janar 2026, 22:05, Kosova & Bota CNA

Trump mbështeti protestuesit iranianë/ Reagon ministri i Jashtëm

Ministri i Jashtëm iranian, Abbas Araghchi, ka reaguar lidhur me deklaratat e presidentit të SHBA-së, Donald Trump për protestat e fundit në Iran. Trump tha se Uashingtoni është i gatshëm dhe i armatosur për të ndërhyrë nëse protestuesit që morën pjesë në ditët e fundit të protestave kundër masave shtrënguese vriten.

"Mesazhi i Presidentit Trump sot, me sa duket i ndikuar nga ata që i frikësohen diplomacisë ose gabimisht besojnë se është e padobishme, është budallallëk dhe i rrezikshëm. Edhe pse protestat janë kryesisht paqësore, sulmet kriminale ndaj pronës publike janë të papranueshme”, u shpreh Araghchi në postimin e tij në “X”.

Zëdhënësi i policisë iraniane, Saeed Montazeralmahdi, në të njëjtën linjë më ministrin, tha se i kuptonte kërkesat ekonomike të protestuesve, por vuri në dukje se forcat e rendit nuk do të toleronin kaosin.

“Këto demonstrata, të cilat janë thjesht ekonomike në natyrë, shprehin vullnetin e popullit për të përmirësuar kushtet e tyre të jetesës. Policia bën qartë dallimin midis kërkesave legjitime të popullit dhe akteve të shkatërrimit (…) dhe nuk do t’i lejojë armiqtë ta shndërrojnë protestën popullore në trazira dhe kaos”, u shpreh ai. /CNA





Lajmet e fundit nga