web counter
LEXO PA REKLAMA!

SHKARKO APP

App Store
Google Play

E fundit!

x

Trump dhe Erdogan zhvillojnë bisedë telefonike/ Zbardhen diskutimet

20 Maj 2026, 22:33, Kosova & Bota CNA

Trump dhe Erdogan zhvillojnë bisedë telefonike/ Zbardhen diskutimet

Presidenti turk, Recep Tayip Erdogan dhe Presidenti i Shteteve të Bashkuara të Amerikës, Donald Trump kanë zhvilluar një bisedë telefonike.

Sipas një deklarate nga presidenca turke, të dy udhëheqësit diskutuan marrëdhëniet dypalëshe midis Turqisë dhe SHBA-së, si dhe çështjet rajonale dhe ndërkombëtare, me fokus në zhvillimet në Lindjen e Mesme, Siri, Liban dhe përgatitjet për samitin e NATO-s në Ankara.

Presidenca turke raporton se Erdogan e përshkroi vendimin për zgjatjen e armëpushimit në Lindjen e Mesme si një zhvillim pozitiv dhe theksoi rëndësinë e iniciativave konstruktive për të zgjidhur mosmarrëveshjet.

"Presidenti ynë deklaroi gjatë bisedës se e konsideron vendimin për zgjatjen e armëpushimit në lidhje me konfliktin në rajonin tonë një zhvillim pozitiv dhe se beson se një zgjidhje e arsyeshme për çështjet e diskutueshme është e mundur, ndërsa deklaroi se mbështetja jonë për iniciativat konstruktive që janë paraqitur do të vazhdojë", thuhet në deklaratën e presidencës turke.

Pala turke iu referua gjithashtu zhvillimeve në Siri dhe Liban, duke theksuar rëndësinë e stabilitetit për rajonin më të gjerë.

"Presidenti Erdogan deklaroi se konsolidimi i klimës së stabilitetit në Siri është një fitim i rëndësishëm për të gjithë rajonin tonë, se mbështetja e Turqisë për Sirinë do të vazhdojë pa ndërprerje, ndërsa shtoi se përkeqësimi i situatës në Liban duhet të parandalohet”, thuhet më tej

Sipas deklaratës së presidencës turke, Recep Tayip Erdogan e informoi presidentin e SHBA-së rreth përgatitjeve që po zhvillohen për samitin e NATO-s në Ankara.

Gjatë telefonatës, presidenti turk i shprehu gjithashtu ngushëllime Donald Trump për sulmin që ndodhi në një xhami në qytetin amerikan të San Diegos. /CNA





Lajmet e fundit nga