web counter
LEXO PA REKLAMA!

SHKARKO APP

App Store
Google Play

E fundit!

x

“New York Times”: Plan nga Izraeli që Ahmadinejadi të drejtonte Iranin pas vrasjes së Khamenei-t

20 Maj 2026, 14:54, Kosova & Bota CNA

“New York Times”: Plan nga Izraeli që Ahmadinejadi të

Një plan i zhvilluar nga Izraeli kërkonte rikthimin e ish-presidentit të Iranit, Mahmoud Ahmadinejad, si udhëheqësin e ri të vendit, pas vrasjes së Ali Khamenei-t dhe zyrtarëve të tjerë të lartë iranianë në fund të shkurtit, raportoi të mërkurën media prestigjioze amerikane 'The New York Times'.

Marrja e pushtetit nga Ahmadinejadi ishte një nga fazat në planin shumëfazor të parashikuar të Izraelit për luftën.

Faza e parë e planit ishte fushata ajrore SHBA-Izrael që vrau zyrtarë të lartë iranianë, përfshirë udhëheqësin suprem Khamenei, së bashku me një mobilizim të synuar të forcave kurde, megjithëse ky i fundit nuk u materializua kurrë.

Izraeli besonte se pushtimi dhe sulmet do të destabilizonin regjimin, me presion politik dhe dëmtime në infrastrukturën kyçe që do të shkaktonin shembjen e tij. Pastaj, një "qeveri alternative" do të ishte në gjendje të merrte kontrollin. Agjencia e spiunazhit Mossad nuk pranoi të komentonte.

Gazeta thekson se një sulm i raportuar ndaj banesës së Ahmedinejadit gjatë breshërisë së parë të luftës, fillimisht u supozua se kishte në shënjestër vetë ish-liderin, në fakt ishte drejtuar ndaj oficerëve të Gardës Revolucionare Islamike që zbatonin arrestin shtëpiak të imponuar nga regjimi i tij.

Ahmadinejadi u konsultua në lidhje me planin, megjithëse mënyra e rekrutimit të tij mbetet e panjohur.

Sulmi arriti të lironte ish-presidentin, por e plagosi atë gjatë këtij procesi, pas të cilit thuhet se ai u zhgënjye nga skema. Ai nuk është parë që atëherë dhe vendndodhja e tij është e panjohur.





Lajmet e fundit nga