web counter
LEXO PA REKLAMA!

SHKARKO APP

App Store
Google Play

E fundit!

x

Tajlanda kufizon qëndrimin pa viza për turistët në 30 ditë

19 Maj 2026, 22:56, Kosova & Bota CNA

Tajlanda kufizon qëndrimin pa viza për turistët në 30

Turistët nga dhjetëra vende tani do të duhet të aplikojnë për vizë nëse dëshirojnë të qëndrojnë në Tajlandë për më shumë se 30 ditë, sipas një politike të re qeveritare.

Lista e vendeve që gëzojnë përjashtimin 60-ditor përfshijnë Australinë, Kinën, Francën, Gjermaninë, Indinë, Italinë, Spanjën dhe SHBA-në.

Që nga korriku i vitit 2024, turistët nga 93 vende kanë mundur të vizitojnë vendin pa viza për 60 ditë, si pjesë e një iniciative qeveritare për të stimuluar ekonominë pas pandemisë Covid.

Megjithatë, të martën qeveria miratoi planet për të hequr këtë përjashtim, që do të thotë se kohëzgjatja e qëndrimit të një udhëtari tani do të vendoset ndryshe nga vendi në vend. Ajo përmendi shqetësimet për sigurinë dhe konfuzionin mbi sistemin e vizave midis arsyeve të ndryshimit.

Shumë nga qytetarët e këtyre vendeve të përjashtuara do të duhet të aplikojnë për vizë për qëndrime më të gjata se 30 ditë, tha ministria e jashtme e Tajlandës, megjithëse disa do të kenë periudha përjashtimi më të shkurtra ose më të gjata, bazuar në marrëveshjet me secilin vend.

Sistemi i ri i vizave do të hyjë në fuqi 15 ditë pas botimit në Gazetën Zyrtare dhe nuk do të zbatohet në mënyrë prapavepruese për udhëtarët që ndodhen tashmë në vend. /CNA





Lajmet e fundit nga