web counter
LEXO PA REKLAMA!

SHKARKO APP

App Store
Google Play

E fundit!

x

Masakër në SHBA/ Dy adoleshentë vrasin 3 persona, më pas kryejnë vetëvrasje

19 Maj 2026, 14:13, Kosova & Bota CNA

Masakër në SHBA/ Dy adoleshentë vrasin 3 persona, më pas

Një sulm i armatosur ka tronditur qytetin e San Diegos në Kaliforni, ku pesë persona kanë humbur jetën pranë Qendrës Islame të San Diegos, xhamisë më të madhe në rajon. Autoritetet lokale njoftuan se dy adoleshentë të armatosur, të moshave 17 dhe 18 vjeç, hapën zjarr ndaj njerëzve që ndodheshin jashtë kompleksit fetar, duke vrarë tre burra, mes të cilëve edhe një roje sigurie që ndihmoi në parandalimin e një tragjedie edhe më të madhe. Shefi i policisë lokale, Scott Wahl, konfirmoi se pas sulmit dy autorët u gjetën të pajetë brenda një automjeti, me plagë të vetëshkaktuara nga armët e zjarrit.

Ngjarja e rëndë nisi rreth orës 11:40 të paradites me orën lokale, duke vënë në lëvizje dhjetëra efektivë dhe agjentë federalë që rrethuan menjëherë zonën. Hetimet e para janë përqendruar te një krim i mundshëm urrejtjeje, i nxitur nga retorika ekstremiste, ndonëse nuk kishte pasur kërcënime specifike ndaj këtij institucioni. Një detaj tronditës i zbuluar nga hetuesit lidhet me telefonatën e nënës së njërit prej sulmuesve, e cila dy orë para ngjarjes kishte njoftuar policinë se i biri ishte larguar nga shtëpia në gjendje të rënduar psikologjike, i veshur me rroba kamuflazhi, i shoqëruar nga një shok dhe i armatosur me tri armë zjarri. Policia kishte nisur kërkimet në disa pika, por nuk arriti t'i ndalonte përpara se ata të mbërrinin në xhami.

Në momentin e të shtënave, brenda kompleksit ndodheshin edhe fëmijë që po ndiqnin mësimet në shkollën islame "Bright Horizon Academy", por fatmirësisht asnjë prej tyre nuk pësoi lëndime. Ky sulm ka rritur ndjeshëm frikën dhe pasigurinë në komunitetet fetare në Shtetet e Bashkuara, duke ardhur në një periudhë tensionesh të larta ndërkombëtare ku incidentet e motivuara nga urrejtja po shënojnë rritje të vazhdueshme.





Lajmet e fundit nga