web counter
LEXO PA REKLAMA!

SHKARKO APP

App Store
Google Play

Tragjedi në Mesdhe/ Mbytet anija me emigrantë, raportohet për më shumë se 100 viktima

24 Dhjetor 2025, 19:22, Kosova & Bota CNA

Tragjedi në Mesdhe/ Mbytet anija me emigrantë, raportohet për

Një tjetër tragjedi ka ndodhur në Mesdhe kësaj here pranë brigjeve të Libisë. Të paktën 116 emigrantë kanë humbur jetën pas mbytjes së anijes që i transportonte. Raportohet për vetëm 1 person të mbijetuar.

“Alarm Phone”, një rrjet ndërkombëtar aktivistësh dhe vullnetarësh që drejton një linjë telefonike emergjence për emigrantët në vështirësi gjatë kalimit të Mesdheut, raportoi incidentin, duke thënë se kishin dyshime se një tjetër anije ishte mbytur.

Ngjarja dyshohet se ka ndodhur natën e 19 dhjetorit, ku organizata “Alarm Phone” u informua për një anije që ishte nisur nga Zuwara, 117 persona në bord.

Organizata deklaroi se ishte përpjekur vazhdimisht të kontaktonte anijen nëpërmjet telefonit satelitor, por pa sukses. Sipas “Alarm Phone”, Rojet Bregdetare Libiane dhe Italiane, kishin deklaruar se as nuk kishin shpëtuar dhe as nuk kishin ndaluar ndonjë anije me emigrantë.

Ndërkohë i mbijetuar i vetëm raportohet se u shpëtua nga peshkatarët tunizianë mbrëmjen e 21 dhjetorit. Individi i shpëtuar tha se anija ishte mbytur disa orë pasi është larguar nga Zuwara, për shkak të përkeqësimit të motit. /CNA





Lajmet e fundit nga