web counter
LEXO PA REKLAMA!

SHKARKO APP

App Store
Google Play

E fundit!

x

Komisioni Europian dënon vendimin e SHBA-së për të vendosur kufizime për individë të BE-së

24 Dhjetor 2025, 13:57, Kosova & Bota CNA

Komisioni Europian dënon vendimin e SHBA-së për të vendosur

Komisioni Europian ka dënuar vendimin e SHBA-së, teksa Departamenti Amerikan i Shtetit vendosi kufizime udhëtimi për pesë individë europianë, duke përfshirë edhe ish-Komisionerin Europian Thierry Breton.

Përmes një deklarate, Komisioni i cilëson masat si të pajustifikuara dhe thekson se nëse është e nevojshme, do të ketë një përgjigje të shpejtë e të vendosur për të mbrojtur autonominë rregullatore të BE-së.

“Komisioni Europian dënon fuqimisht vendimin e SHBA-së për të vendosur kufizime udhëtimi për pesë individë evropianë, përfshirë ish-Komisionerin Europian Thierry Breton.

Liria e shprehjes është një e drejtë themelore në Europë dhe një vlerë thelbësore e përbashkët me Shtetet e Bashkuara në të gjithë botën demokratike.

BE-ja është një treg i vetëm i hapur dhe i bazuar në rregulla, me të drejtën sovrane për të rregulluar aktivitetin ekonomik në përputhje me vlerat tona demokratike dhe angazhimet ndërkombëtare.

Rregullat tona digjitale sigurojnë një fushë loje të sigurt, të drejtë dhe të barabartë për të gjitha kompanitë, të zbatuara në mënyrë të drejtë dhe pa diskriminim. Ne kemi kërkuar sqarime nga autoritetet amerikane dhe mbetemi të angazhuar.

Nëse është e nevojshme, ne do të përgjigjemi shpejt dhe me vendosmëri për të mbrojtur autonominë tonë rregullatore kundër masave të pajustifikuara”,-thuhet në deklaratë.

DASH vendsoi kufizime ndaj këtyre shtetastve pasi i akuzoi se po udhëheqin përpjekjet për të ushtruar presion mbi firmat amerikane të teknologjisë për të censuruar ose shtypur pikëpamjet amerikane./CNA





Lajmet e fundit nga