LEXO PA REKLAMA!

SHKARKO APP

Thatësira më e madhe në 70 vjet/ Italia shpall gjendjen e jashtëzakonshme në pesë rajone

5 Korrik 2022, 09:06, Kosova & Bota CNA
Thatësira më e madhe në 70 vjet/ Italia shpall gjendjen e
Foto ilustruese

Italia ka shpallur gjendje të jashtëzakonshme në pesë rajone veriore, si pasojë e thatësirës së madhe që ka përfshirë vendin.

Emilia-Romagna, Friuli Venezia Giulia, Lombardia, Piemonte dhe Veneto do të marrin 36.5 milionë euro fonde emergjente për të trajtuar mungesën e ujit.

Thatësira e cila konsiderohet si më e madhja në 70 vjet, kërcënon më shumë se 30% të prodhimit bujqësor të Italisë, sipas sindikatës bujqësore Coldiretti, shkruajnë mediat vendase.

Disa komuna tashmë kanë shpallur lajmërimin për reduktime të ujit.

Qeveria e Italisë tha se mund të marrë masa të mëtejshme nëse situata nuk përmirësohet.

Fermerët në Luginën e lumit “Po” thonë se uji i kripur i detit po depërton tani në lumë, duke shkatërruar të korrat.

Gjatë fundjavës, të paktën shtatë persona vdiqën, pasi u zunë nga një ortek i shkaktuar nga shembja e një akullnaje në Alpet veriore italiane.

Kryeministri Mario Draghi tha se kjo është “pa dyshim e lidhur me ngrohjen globale”./E.T-CNA.al

 

Lajmet e fundit nga