Tragjike në Itali! Orteku zë poshtë një grup alpinistësh, 6 të vdekur dhe 15 të zhdukur

4 Korrik 2022, 17:38, Kosova & Bota CNA
Tragjike në Itali! Orteku zë poshtë një grup
Foto ilustruese

Të paktën 6 persona humbën jetën dhe dhjetë të tjerë u lënduan pasi një ortek u shkëput nga mali në pjesën verilindore të Italisë. Akullnaja u shemb në malin Marmolada, më i larti në Dolomitet italiane, pranë fshatit Punta Rocca.

Orteku u përplas me grupin e alpinistëve të cilët ishin duke eksploruar shtegun. Raportohet se 15 persona rezultojnë ende të zhdukur.

Pesë helikopterë dhe dhjetëra specialistë të kërkim-shpëtimit kanë shkuar në vendngjarje.

Teknikët e Shpëtimit Alpin kanë konstatuar se masa e shkëputur nga akullnaja Marmolada ka rënë me një shpejtësi prej 300 kilometrash në orë.

“Akullnaja u destabilizua për shkak të sasisë madhe të ujit të shkrirë, pasi prej javësh vendi është prekur nga temperatura jashtëzakonisht të larta mbi mesataren”, shkroi në Twitter Shoqata Meteorologjike.

Një ditë më parë në majën e akullnajës u regjistrua temperaturë më të lartë e këtij sezoni: 10.3 Gradë Celsius./CNA.al

Lajmet e fundit nga